le logo Elec

L’année 1437 dans la pratique de Pierre Christofle, notaire du Châtelet d’Orléans

61 v°Le mercredi XVIe jour de janvier.

Comme discort, debat, plait et procés fust meu par devant nous comme conservateur des previlleges de l’estude et université d’Orleans entre Loys de  **** , estudiant en ladicte estude et université, demandeur d’une part, et Thomas Audigier de Ruan en Poitou, deffendant et opposant d’autre part, sur ce que ledit Lois disoit que a lui est et appartient une censive assise en la ville de Ruan, laquelle se pretend sur pluseurs heritaiges assis audit lieu et mesmenent 1 1. Comprendre mesmement. sur une maison et ses appartenances ainsi comme elle se comporte et poursuit en vergier et autres choses tenant a la maison feu Guillaume Maubouchier d’une part, d’autre part a la maison Thibaut Poliot, par derriere au vergier Jehan du Pont, et par devant au chemin par ou l’en va de l’esglise Saint Pere au cimetiere de l’Aumosne dudit lieu, et que ladicte maison lui doit chacun an le jour de Saint Michel VI solz tournois de cens et que ledit Thomas a tenu et possedé ladicte maison par aucunes annees sans lui paier ledit cens. Et sur ce eust proposé et fait icellui estudient plusieurs autres faiz et conclusions, ausquelles ledit deffendant eust respondu plusieurs choses 2 2. Suit a ce, biffé. au contraire. Finablement, lesdictes parties, pour eschever tous procés et pour nourrir amour entre eulx, ont fait les accors qui ensuyvent. C’est assavoir que pour tout le temps que ledit Thomas a tenue et possidee icelle maison et aussi pour touz les despens qui faiz ont esté a l’occasion des commission et relacions sur ce faictes, ledit Thomas paiera et sera tenu paier audit estudiant ou au pourteur de ces lettres dedans les Brandons la somme de deux royaux d’or, en or, et aussi c’est delessé de sadicte opposicion  ****  au prouffilt dudit estudient. Et avecques ce sera tenu ledit Thomas de soy mettre ou droit de justice. Promettent non venir contre etc. Obligent etc.

Dans la marge gauche : a.