89
Transfert de dette. — Benoît Bourin, cordonnier et marchand d’Orléans, transfère à son fils Étienne Bourin, étudiant à Orléans, les reconnaissances de dette qu’il a de Jean Voisin, cordonnier à Menetou-Salon, d’un certain Gabriau, d’Aubigny, et de Gidonin Hérault, de Blois.
75 r° Benoist Bourin, cordoannier et marchant d’Orleans, transporte et delesse a touz jours a Estienne Bourin son filz, estudiant en l’estude et université d’Orleans, pour lui aider a avoir ses vivres, livres et autres neccessitez etc., touz les domaiges et interestz que lui doit et est tenu paier Jehan Voisin cordoannier demourant a Menetou Salon, nagueres son alloé, comme par lettres sur ce faictes pourra apparoir, avec la somme de huit solz parisis que ledit Jehan Voisin doit et est tenu paier audit Benoist pour prest a lui pieça fait etc. Item, transporte semblablement a sondit filz quatre solz parisis que lui doit ung nommé Gabriau, demourant a Aubigni, pour vente de denrees. Item, luy transporte semblablement quatre solz que lui doit ung nommé Gidonym Herault, demourant a Bloys, pour vente de denrees, avec tout le droit et action etc. Constitue acteur etc. Fait du dimenche XVIIe jour de fevrier dernier passé.
Dans la marge gauche : f.
