79
Quittance. — Jean de Bonneval, écuyer et fils naturel de feu Jean de Bonneval écuyer, paroissien de Saint-Cyr-en-Val, déclare Jean Mignon l’aîné, drapier et bourgeois d’Orléans, quitte de toutes les querelles et transactions qu’ils avaient ensemble au sujet des arrérages du gué Cheraulx situé en Sologne. L’écuyer rend au drappier toutes les reconnaissances de dettes qu’avait feu Jean de Bonneval des habitants d’Orléans et d’autres.
73 r°e XXIe jour de fevrier IIIIc XXXVI.
Jehan de Bonneval, escuier, filz naturel de feux Jehan de Bonneval, aussi escuier, parroissien Saint Cire en Vaulx, recongnut et confessa avoir quitté et clame quitte a touz jours Jehan Mignon l’aisnel, drappier et bourgoys d’Orleans, ses hoirs et aiens cause, de toutes debtes, obligacions, marchiez, contraulx, accors, promesses, convenances, de toutes actions, querelles, demandes et **** et generalment de toutes les autres choses quelxconques elles soient 73 v° que ilz eussent oncques eu a faire ensemble et que ledit Bonneval peust ne sceust demander audit Jehan Mignon, en quelque maniere ne pour quelque cause ou raison que ce fust ou peust estre, feust a cause des arreraiges du lieu de gué Cheraulx assis en Sauloigne comme autrement, de tout le temps passé jucques a hui. Et aussi sont et demeurent du tout audit Jehan Mignon et lui a delessees, cedees et transportees ledit Bonneval toutes debtes, actions et obligacions qui estoient et povoient estre deues audit de Bonneval a cause de feux Jehan de Bonneval, son pere, par lettres et autrement, soit des manans et habitans de la ville d’Orleans comme de toutes autres personnes, lesquelles debtes ledit Bonneval lui a audit jour d’uy rendues et baillees en presence pour par lui joïr et usez comme de sa propre chose etc. Promettent etc. Et vieult que de ce soient faites audit Jehan Mignon les meilleurs lettres que faire ce pourra.
Dans la marge gauche : f.
