81
Quittance de tutelle. — Jean Mignon, chanoine prébendé de Sainte-Croix d’Orléans, âgé de 18 ans, fils du drapier Jean Mignon l’aîné et de feue sa femme Agnes de Bourges, donne quittance à son père de l’administration de ses biens et reconnaît avoir reçu sa part légitime de l’héritage de sa mère.
73 v° Jehan Mignon, chanoine prebandé de l’eglise Sainte Croix d’Orleans, aagé de XVIII ans et plus, usant de son plain droit si comme il disoit, filz de Jehan Mignon l’aisnel, drappier et bourgois d’Orleans, et de feux Agnes de Bourges, jadis sa femme, mere dudit Jehan Mignon, lequel confessa avoir veü et oÿ, en la presence de ses parens et amis et de bon conseil pour lui, dudit Jehan Mignon son pere, qui des pieça a gouverné ses biens meubles et heritaiges et receu les fruiz par aucuin temps de ladicte prebende, compte de toutes les receptes et mises faictes par ledit Jehan Mignon son pere de sesdiz biens meubles et heritaiges et fruiz de sadicte prebande. Et avec ce congnut et confessa ledit Jehan Mignon avoir eu et receu sa juste lealle partie et porcion de touz les biens meubles qui lui povoient competter et appartenir par le deceps et eschoaste de ladicte feux Agnes, sa mere. Et de tout ce, et aussi generalment de toutes les autres choses quelxconques quelles qu’elles soient en quoy ledit Jehan Mignon l’aisnel peust estre tenuz audit Jehan Mignon son filz, ne que sondit 74 r° filz lui peust ou sceust demander, ores ne pour le temps a venir, en quelque maniere et pour quelconque cause que ce soit ou puisse estre, de tout le temps passé jucques a hui, ledit Jehan Mignon se tint content et en quitta et clama quitte a touz jours sondit pere, ses hoirs etc. Et vieult que de ce soient faictes a sondit pere les meilleures lettres que faire ce pourront etc.
Dans la marge gauche : f.
