le logo Elec

L’année 1437 dans la pratique de Pierre Christofle, notaire du Châtelet d’Orléans

69 v°Le lundi XIme jour de fevrier IIIIc XXXVI.

Pierre Gourdon, vigneron, et Pierrete sa femme, parroissiens Saint Marc lez Orleans, ladicte femme o l’auctorité etc., prennent a rente, ferme ou pension de Pasques prochaines venans jucques a cinquante neuf ans prochains aprés ensuivant, des religieux abbé et couvent de l’eglise monseigneur saint Euvertre d’Orleans, qui leur baillent, une masure a cave ainsi comme tout se comporte et poursuit, que lesdiz religieux abbé et couvent ont et leur appartiennent, assis et seant lez et pres des murs du cimeutiere de la parroisse dudit Saint Euvertre, tenant a l’eritaige que tient desdiz religieux abbé et couvant Robin Tiron d’une part, et par derriere a l’eritaige aussi que tient desdiz religieux Perrin Fouchier, chargez des cens et reddevance anciennes, lesquelles charges et reddevances, se aucuns en y a, ledit preneur sera tenu 70 r° par ce faisant paier chacun an ou non desdiz religieux abbé et couvent sans riens rabaptre de la rente cy dessoubz declairee, a tenir pour vingt quatre solz parisis, monnoie marc d’argent VII livres tournoys et au dessoubz, de rente chacun an, a paier franchement et quittement par lesdiz preneurs, par leurs hoirs et aiens cause d’eulx ausdiz religieux abbé et couvent aux termes de Pasques et de Toussains, a chacun terme la moitié, premier terme commençant a la Toussains prochaine venant. Et par ce faisant, sera tenu et a promis ledit preneur de faire sur ladicte cave de largeur et grandeur qu’elle est, dedans trois ans prochains venans, une maison bonne et convenable et icelle faicte, la soustenir et maintenir deuement. Et en la fin dudit temps la lessez en bon estat et convenable en maniere qu’elle vaille ladicte rente de XXIIII solz parisis et mieulx. Et de paier du leur toutes tailles d’eglise, de ville, de puis, de pavé et toutes autres subentions 1 1. Comprendre subvencions. quelxconques que l’en pourroit imposer sur ledit heritaige. Et en acquitter et garantir lesdiz religieux abbé et couvent de Saint Euvertre et leurs successeurs et de renouveller ces presentes a chacune mutacion qui se fera ung an aprés ladicte 2 2. Suit la lettre m, biffée. mutacion, et se ilz en sont deffaillans ou de paier ladicte rente par deux ans entressuivans, en ce cas lesdiz religieux abbé et couvent pourront prandre et exploicter lesdiz heritaiges comme leur, sans contredit aucun. Obligent lesdiz preneurs paier. Sa femme est ad venir 3 3. Cette phrase est soulignée par un trait horizontal qui se prolonge en un trait vertical à gauche, de manière à encadrer le groupe de mots..

Dans la marge gauche : ff
et au-dessous : Saint Euvertre.