le logo Elec

L’année 1437 dans la pratique de Pierre Christofle, notaire du Châtelet d’Orléans

65 v°Le lundi quatriesme jour de fevrier.

Colin Mauneveu, marchant et bourgoys d’Orleans, aient le droit et cause en ceste partie de Jehan Gautier, estudiant Orleans, filz feux Robin Gautier et de Jacquette jadis sa femme, de present femme dudit Colin Mauneveu, confessa avoir eu et receu de Jehan Godeffroy, grenetier du grenier a sel establi pour le roy notre sire a Yssodun, par la main de Gillet le Maire, marchant d’Orleans, la somme de quinze livres tournoys monnoye courant a present, pour accort et composicion nagueres faiz avec ledit Geuffroy 1 1. Comprendre Godeffroy. par ledit Gillet, ou nom et pour ledit Jehan Gautier, a cause de certain procés nagueres meu et pendant par devant 2 2. Suit nous, biffé. le conservateur appostolic de l’estude et université d’Orleans contre ledit Godeffroy, par devant lequel il a esté nagueres constumace envers ledit estudiant. Et de tout ce se tient content, quitte et promet a acquiter ledit Godeffroy envers ledit estudiant et touz autres quittances etc.

Dans la marge gauche : f.