51
Ferme. — Jean de Selles, marchand chandelier d’Orléans, prend à ferme, à partir du 1er novembre 1440 et pour 59 ans, deux arpents de vignes en plusieurs pièces appartenant à l’abbaye de Saint-Euverte pour, à partir de 1441, 28 s. p. par an et la culture de la vigne. D’ici là, Jean de Selles jouira d’un arpent et demi de vignes.
65 v°Ledit jour de lundi.
Jehan de Selles, marchant chandelier d’Orleans, prant a rante, ferme ou pension, de la feste de Toussains qui sera l’an mil IIIIc et quarante jucques a cinquante neuf ans prochains aprés ensuivant, des religieux abbé et couvent de monseigneur saint Euvertre d’Orleans, deux arpens de vignes a eulx appartenant et que ilz ont assis, c’est assavoir ung arpent de vigne ou cloux l’Evesque tenant a l’eritaige que tient d’eulx maistre Hervé Lorans d’une part, a l’eritaige que tient aussi d’eulx Jehan Barbeau 1 1. Suit aussi, biffé. filz Jehan Barbeau d’autre part, d’un bot a Perrin Mateas et tendant au pavé ; l’autre arpent de vigne en deux pieces assises ou cloux de Saint Euvertre appellé Rectoire, duquel arpent Guillot Robert tient et a 2 2. Précédé de l’, biffé. tenu d’eulx demy arpent de la 66 r° Toussains derniere passee jucques a quatre ans, tenant a l’eritaige que tient aussi d’eulx Jehan Tiercelin et ledit Guillot Robert d’une part, a Jehan Bernart et Jehan Cailli d’autre part, et a Guiot le Lievre d’autre part, chargez des cens et reddevances anciennes, lesquelles par ce faisant sera tenu ledit Jehan de Selles de paier par chacun an ou non desdiz religieux abbé et couvent sans riens rabaptre de la rente cy dessoubz declairee. A tenir, usfructer etc. lesdiz deux arpens de vignes etc. pour vint huit solz parisis, monnoye marc d’argent VII livres tournoys et au dessoubz, de rente, ferme ou pencion chacun an, c’est assavoir ledit premier arpent de vigne XVI solz parisis et ledit autre arpent de vigne XII solz parisis a paier franchement par ledit Jehan de Selles et ses aiens cause ausdiz religieux abbé et couvent, a leurs successeurs et a ceulx qui auront cause d’eulx etc., c’est assavoir lesdiz XVI solz parisis au terme et feste de Toussains et lesdiz XII solz parisis au terme des Brandons, premier termes et paiemens commençant en l’annee mil IIIIc XLI. Et par ce faisant sera tenu et a promis ledit Jehan de Selles, preneur, de faire coultiver et labourer par chacun an de toutes façons et en saison lesdictes vignes bien deuement et convenablement et en la fin dudit temps les lessez en bon estat et convenable. Et 3 3. Suit une lettre biffée. oultre plus, a promis paier du sien toutes tailles d’eglise, de ville, de puis, de pavé et toutes autres subvencions quelxconques que l’en pourroit imposer sur lesdiz heritaiges et en acquitter et garantir lesdiz religieux abbé et couvent et leurs successeurs, et avec ce de renouveller ces presentes a chacune mutacion qui se fera dedans ung an aprés ladicte mutacion. Et se ledit Jehan de Selles, preneur, ou ses aiens cause sont de ce deffaillans ou de paier ladite rente par deux ans entresuivant, en ce cas lesdiz religieux abbé et couvent pourront prandre et exploicter lesdiz heritaiges comme leurs sans contredit. Et par ce faisant ledit preneur joïra desdiz arpent et demy de vignes jucques audit temps de IIII ans.
Dans la marge gauche : f.
