87
Vente. — Pierre Bourdon de l’Île, écuyer, vend à Jean Thio, maréchal d’Orléans, et à Guillaume Chaucemenuise, beau-frère de Jean Thio, 3 s. 7 d. p. de cens que Bourdon perçoit annuellement de la femme et des héritiers de feu Étienne Chaucemenuise, marchand d’Orléans, pour diverses terres énumérées ici situées dans les paroisses de Sandillon et Saint-Denis-en-Val. Le montant de la vente s’élève à 44 s. p., qui ont été versés au vendeur par Étienne le Clerc, procureur au Châtelet.
74 v° Pierre Bourdon de l’Isle, escuier, vent et transporte pour touz jours a Jehan Thio, mareschal d’Orleans, et a Guillaume Chaucemenuise, son serorge, absent, pour lequel ledit Jehan Thio est present et stippulant, trois solz et sept deniers oboles parisis de menuz cens portans relevoisons du denier sept et deffault quant le cas y eschiet, si comme disoit ledit Bourdon, que il avoit et prenoit chacun an au jour Saint Remy sur les heritaiges cy aprés declairez, qui estoient tenuz dudit Bourdon en censive par la femme et hoirs de feu Estienne Chaucemenuise, marchant d’Orleans. C’est assavoir deux arpens de terre tenans a Droin Ploton d’une part et au closteau Pasquette d’autre part, ou il y a ung aubier en alant du chenin 1 1. Comprendre chemin. qui vient de Baignaux a Saint Denis, et d’un bout aux hoirs feu Bourdon. Item, une autre piece contenant environ deux arpens et demi en closeau Pasquete, la ou est l’aubier, de l’autre part du cousté devers souleil levant et ou il a une bonne au long qui se rapporte au chemin, et vient de l’autre bout a la terre dudit Bourdon. Item, troys quartiers qui sont en freiche et desert assis au lieu **** au long de la bonne, tenant d’un bout audit Bourdon, d’autre part a Droin Ploton et de l’autre cousté a Saint Ladre. Item, devant la maison dudit Bourdoin, troys arpens ou environ tenant audit Bourdon d’une part et aux hoirs de feu Jehan Mahy **** d’autre part, aux terres de ladicte femme et hoirs dudit feux Chaucemenuise d’autre part et au chemin devant l’ostel d’autre part. Et generalment tout et tel droit de cens, deffaulx et relevoisons quelxconques que ledit vendeur avoit et povoit avoir sur les terres et heritaiges desdiz femme et hoirs dudit feux Chaucemenuise assis es parroisses de Sendillon et de Saint Denis en Vaulx sans riens excepter, sauve la disme seulement. Ceste vente faicte dudit vendeur audit achateur pour la somme de quarante quatre solz parisis, monnoie 75 r° courant a present, comptés et baillez desdiz achateurs audit vendeur par la main de Estienne le Clerc procureur en court laye a Orleans, si comme ledit vendeur congnut et confessa et dont il se tint pour content et en quitta a touz jours lesdiz achateurs, leurs hoirs et aiens cause, et generalment de toutes autres choses quelxconques que ledit vendeur pourroit ou voudroit demander a cause desdictes terres et heritaiges esdiz femme et hoirs dessusdiz de tout le temps passé jucques a hui, desquelx etc. Dessaisiz, saisiz etc. Promettent garantir etc. Renoncent, colx etc. Fait le XVIe jour de fevrier dernier passé.
Dans la marge gauche : f.
