le logo Elec

L’année 1437 dans la pratique de Pierre Christofle, notaire du Châtelet d’Orléans

105 v°Et le samedi VIIIe jour de juing.

Pierre Blanchet, cordoannier de Meung sur Loire, et Guillot Blanchet, mercier, parroissien Saint Donnatien d’Orleans, vendent assemblement et chacun pour le tout sans division a heritaige a Jaquet de Thou, espicier, marchant et bourgois d’Orleans, pour lui, ses hoirs etc., la quantité de six mines de terres labourables que lesdiz vendeurs disoient avoir et a eulx appartenir de leur propre heritaige, assises et seans en trois pieces ou terroir de Villiers, parroisse de Thillay le Paigneux en Bausse. La premiere piece, contenant quatre mines, estans en deux pieces, l’une desdictes pieces contenant trois mines, tenant a chappittre Saint Aignan d’Orleans d’une part et aux hoirs, heritiers ou aians cause de feux Guillot le Breton d’autre, et d’un bout sur les terres dudit chappittre, de l’autre bout sur les terres des hoirs ou aians cause de feu Jehan Beaupigne. La seconde piece, contenant une mine, tenant aux hoirs feux Jehan Quarre d’une part et a chappittre dudit Saint Aignan d’autre part. Et la tierce et derreniere piece, contenant deux mines, tenant aux hoirs, heritiers ou aians cause de feux Geffroy Pichon d’une part, aux terres dudit chappittre Saint Aignan d’autre, d’un des bouz aux terres maistre Girart Boileaue 106 r° et de l’autre bout au chemin par ou l’en va de Beauvillier a Thillay. Toutes lesdictes VI mines de terre estans en la censive desdiz doyan et chappittre dudit Saint Aignan d’Orleans, a telz cens, charges et reddevances comme ilz pevent devoir d’ancienneté, au seurplus 1 1. Suit francs, biffé. franches et quittes de toutes charges quelxconques jusques a huy. Ceste vente faicte dudit achatteur ausdiz vendeurs pour et parmi le pris et somme de quarante huit solz parisis, monnoie courant a present, paiez etc. Et dont etc. Quittent etc. Dessaisi etc. Saisi etc. Promettent garantir etc. Obligent chacun pour le tout etc. Coustz, renoncent etc.

Dans la marge gauche : f.