226
Procuration. — Jean Lucas, sergent du roi au bailliage de Montargis, constitue Emery Marchant, Jean Simon et Thevenon Beauver comme ses procureurs dotés de plein pouvoir pour résigner son office de sergent entre les mains des autorités et au profit de Jean Christofle. Il s’engage à respecter tout ce que feront ses procureurs, pour ou contre lui.
111 r° Jehan Lucas, sergent du roy notre seigneur ou bailliaige de Montargis, de Cepoy, des ressors et exempcions du duchié d’Orleans, fait ses procureurs Emery Marchant, Jehan Symon, Thevenon Beauver et chacun d’eulx pour le tout, ausquielx procureurs et chacun d’eulx pour le tout portant ces lettres ledit constituant donna et donne plain povoir, auctorité et mandement especial de resigner, quitter et delaisser plainement et presentement sondit office de sergenterie es mains du roy notre seigneur, de monseigneur son chancellier ou d’autre qu’il appartient, pour et au prouffit de Jehan Christofle, demourant a Orleans, sur ce et es 111 v° deppendences faire action au cas appartenant, et tout autant et aussi que icellui constituant feroit et faire pourroit, se put y estoit en personne. Et promist icellui constituant par devant ledit notaire par sa foy et soubz l’obligacion de tous ses biens que il a et aura a touz jours ferme et agreable tout ce que par sesdiz procureurs et par chacun d’eulx sera fait, procuré, resigné et ordonné en ce que devant est dit et es deppendences, soit pour lui ou contre lui. En tesmoing etc.
Dans la marge gauche : f.
