227
Ferme. — Catherine, veuve de Louis Brune, en son nom et celui de Jacquet et Catherine ses enfants, prend à ferme pour 59 ans de Jean Vaillant, curé de Notre-Dame-de-Bonne-Nouvelle autorisé par ses paroissiens, un arpent de vigne situé dans la paroisse Saint-Pryvé-Saint-Mesmin, pour 20 s. p. de rente annuelle, à charge pour les preneurs de faire labourer l’arpent.
111 v°Et le mercredi Xe jour de juillet, l’an mil CCCC XXXVII, Jehan le Prestre, garde de la prevosté d’Orleans etc.
Katherine, vefve feu Loys Brune, en son nom et comme aiant la garde et gouvernement de Jacquet et 1 1. Suit le prénom Berthiere, souligné et remplacé par Katherine. Katherine ses enfans, prent a la vie d’elle et desdiz deux enfans, et aprés le seurvivant, jusques a cinquante neuf ans prouchains aprés ensuivans, de honnorable homme et discret messire Jehan Vaillant, prestre curé de l’eglise parrochial de Notre Dame Bonne Nouvelle d’Orleans, qui, de l’octroy, accord et consentement des parroissiens demourans en ladicte parroisse de Notre Dame Bonne Nouvelle, lui a baillé, ung arpent de vigne ou environ, ainsi comme il se comporte et poursuit, sans rien oster ne parfaire, que ledit curé a a cause de sadicte cure, assis et seant ou clox de Guiguegnault, parroisse Saint Privé lez Orleans. A prendre icellui arpent de vigne depuis ung fossé qui est sur la rue qui vient de Saint Privé a aller droit au pavé de Saint Mesmin, et depuis icellui fossé a l’aller prandre tout au long des vignes appartenant a Guillemin Acarie et jusques au parfait dudit arpent tenant audit Guillemin d’une part et a ladicte vefve d’autre part, en la censive de Jehan Cailli notaire de Chastellet d’Orleans, aux cens et reddevances que ledit arpent de vigne doit et peut devoir par chacun an. Lequel cens et reddevances ladicte vefve et sesdiz enfans et le seurvivant d’eulx, tous leurs hoirs et aians cause, seront tenuz de paier du leur propre ou nom dudit curé et ses successeurs, sans riens rabatre de la rente cy dessus declairee. A tenir etc. pour vint solz parisis, monnoye marc d’argent VII livres tournois, de rente, ferme 112 r° ou pension, a paier chacun an franchement et quittement au terme et feste de Toussains, premier terme et paiement commençant a la Toussains prouchaine venant. Et par ce faisant, sera tenue ladicte vefve et sesdiz enfans et le seurvivant d’eulx, leurs hoirs etc. de faire labourer par chacun an ledit arpent de vigne de toutes façons et en saison y proigneront selon la coustume du païs bien et deuement. Et paieront toutes charges quelxconques tant de puis, de turcies, de pavé, comme autres subvencions quelxconques que l’en pourroit imposez sur ledit arpent de vigne, et en acquitter ledit curé et ses successeurs etc. Et en la fin d’icelles les rendront et laisseront icellui arpent de vigne en bon point et bon estat et convenable. Et fut dit et accordé a ladicte prise faisant que ladicte vefve deviee, ses enfans seront tenuz eulx obliger envers lesdiz curé et ses successeurs, pareillement que elle est en ces presentes, dedans demi an aprés son trespassement. Et se de ce sont defaillans ou reffusans, en ce cas icellui curé ou ses successeurs pourront se bon leur semble prandre ledit heritaige comme sien et a lui appartenant sans nul contredit. Obligent etc.
