216
Obligation. — Nyon Chenant, voiturier par eau habitant à Jargeau, confesse devoir à Jamet le Pelletier, marchand d’Orléans, 10 royaux d’or pour un prêt 1 1. La transaction est rapportée sous forme d’une étendue plutôt que d’une note comme c’est le cas pour les autres contrats..
108 v°Ledit jour de samedi XXVIIIme jour de juing mil quatre cens trente sept 2 2. Il y a une erreur de datation : le samedi correspond au 29 juin..
A tous ceulx qui ces presentes lettres verront, Jehan le Prestre, licencié en lois, garde de la prevosté d’Orleans, salut. Savoir faisons que par devant Pierre Christofle, notaire juré de Chastellet d’Orleans, vint et fut present en personne Nyon Chenant, voicturier par eaue demourant a Jargueau, lequel recongnut et confessa devoir a Jamet le Pelletier, marchant demourant a Orleans, la somme de dix reaulx d’or, en or, bons et marchans, pour cause de vray, pur et leal prest fait dudit creancier audit debteur, si comme tout ce ledit debteur congnut et confessa et dont il se tint pour content. Promettant ledit debteur par devant ledit notaire et par sa foy rendre et paier les dix royaulx d’or dessusdiz audit creancier ou au porteur de ces lettres, a la plaine voulenté et requeste dudit creancier 3 3. Suit oudit, biffé. ou dudit porteur de ces lettres, sans point de terme, ovec tous coustemens qui sur ce seront faiz. Et quant ad ce ledit debteur en a obligé et oblige et par sadicte foy audit creancier et porteur. Et soubzmis a la juridicion de la prevosté d’Orleans et a toutes autres soy, ses hoirs et tous ses biens meubles et immeubles, presens et ad venir, ou qu’ilz soient. Renonçant generalment a tout ce que il pourroit dire contre ces lettres. En tesmoing etc.
Dans la marge gauche : f.
