296
Bail à rente. — Guillaume Gayette, notaire et conseiller de l’officialité d’Orléans, donne à rente à Perrin Constantin, paroissien de Saint-Marceau, un demi arpent de terre et vigne situé au clos du Lièvre d’or dans la paroisse Saint-Marceau, moyennant 4 s. p. de rente annuelle.
129 r°Et le jeudi XVIIe jour d’octobre.
Guillaume Gayete, notaire et conseillier en court d’eglise a Orleans, baille a rente annuelle et perpetuelle pour touz jours a Perrin Constantin, parroissien de Saint Marceau, qui a pris de lui pour lui, ses hoirs etc. demi arpent, que terre que vigne, ou environ que ledit Gaiete dit a lui appartenir comme aiant le droit ceddé de Jehan Godart, chaussetier, assis en une piece et tout ce qui est en la piece senz riens oster ne parfaire ou cloux de Lievre d’or, parroisse Saint Marceau, a prandre du long de la turcie depuis les butes jusques aux vignes des hoirs ou aians cause de feux Jehan Renart, bourgois d’Orleans, tenant a l’eritaige dudit Godart en la censive de mon seigneur le duc d’Orleans au feur de III deniers oboles parisis de cens deuz chacun an le jour de la Chandeleur sans autre charge, lequel cens ledit preneur sera tenu paier chacun an ou nom dudit bailleur sans ryens rabatre de la rente cy dessobz 1 1. Comprendre dessoubz. 129 v° declairee. A tenir etc. pour quatre solz parisis de rente monnoie marc d’argent VII livres tournois, a paier chacun an au terme et feste de Saint Jehan Baptiste, premier terme et paiement commencent a la Saint Jehan Baptiste prouchaine venant. Obligent de chacune partie etc. Renoncent coustz etc.
Dans la marge gauche :
f
et en-dessous :
pour Constantin
et en-dessous :
X.
