Charte de Léger, archevêque de Bourges. Il donne à l'abbaye de Saint-Florent l'église de Saint-Etienne de Coullon, avec l'assentiment des chanoines de sa cathédrale et pour être associé au bénéfice du monastère. Fait dans le réfectoire de Saint-Etienne, où Gilbert, prieur de Saint-Gondon, reçut du prélat un gant, comme investiture de ladite église.
- A Original (intitulé Carta de ecclesia S. Stephani de Colom).
- B Arch. dép. Maine-et-Loire, H 3714: Livre d'Argent, fol. 61.
- C Arch. dép. Maine-et-Loire, H 3715: Livre Rouge, fol. 69v°.
- a Cartulaire du prieuré bénédictin de Saint-Gondon-sur-Loire, éd. Paul Marchegay, Les Roches-Baritaud, 1879.
Solet sepenumero rerum antiquitus gestarum memoriam obfuscare multum custodiende justicie infesta oblivio. Cum enim justicia decernat ut unicuique quod suum est conservetur, per veritatis oblivionem multociens contingit ut, quod alterius vere jus esse proprium constat, ab altero quasi jus suum usurpetur. Hujusmodi igitur justicie impedimentum devitare studentes, que memoriter retinere volumus, scripture munimento confirmamus.
Ego itaque, Leodegarius, Dei gratia metropolitanus urbis Biturice, beneficiorum particeps esse sanctarum congregationum desiderans, donavi Sancto Florentio et ejus monachis ecclesiam sancti Stephani que vocatur de Colom, juxta Sanctum Gundulfum, cum assensu Mathei archidiaconi et Jerberti archipresbiteri aliorumque clericorum meorum qui aderant ; atque in perpetuum quiete possidendam concessi. Et ut firmum ratumque permaneat hoc donum, in manu Gisleberti, prioris Sancti Florentii, cum quadam cirotheca sollempniter posui ; et sigillo meo hanc cartam muniri precepi et manu propria subscripsi. Hujus rei testes sunt qui interfuerunt : Girardus Engolismensis episcopus, Galo Leonensis episcopus et Sancti Florentii monachus, Matheus archidiaconus, Jerbertus archipresbiter, Robertus presbiter, Gislebertus prior Sancti Gundulfi, Robertus monachus.
Facta est autem ista donatio Bituricas, in refectorio sancti Stephani, .
Ego Geraldus, Engolismensis episcopus, huic donationi interfui et subscripxi1.
Signum Leodegarii archiepiscopi. Signum Galonis episcopi.
