96
Location. — Jean Faucher, marchand d’Orléans, loue, pour quatre ans à partir du 24 juin prochain, de Grégoire Langlois, des chambres et autres lieux (allée, cave, étable, court de paume, etc.) de l’hôtel de la Roche-Boulet, pour 26 royaux d’or ou écus d’or vieux par an, le locataire percevant les profits du jeu de paume. De ce jour au 24 juin, le loyer sera de 6 royaux seulement.
76 v°Ledit jour de jeudi.
Jehan Faucher, marchant d’Orleans, prant a tiltre de loier, de la feste Saint Jehan Baptiste prochaine venant jucques a quatre ans prochains aprés ensuivans, de Gregoire Langloys, marchant d’Orleans, qui luy baille, les chambres et choses qui s’ensuivent estans en l’ostel de la Roiche Boulet appartenant audit Gregoire. C’est assavoir l’alee de devant dudit hostel, avec la derreniere cave d’icellui hostel, la grant estable, le grenier qui est dessus ladicte estable estant du cousté de la rue aux Os, la court et salle d’em bas dudit hostel, la salle haulte, le grenier de dessus ladicte salle, la petite cuisine d’em bas, la chambre de mon seigneur le Bastart estant sur icelle, le grenier de dessus icelle chambre, les deux chambres bassez dudit hostel qui sont devant la petite cuisine, avec la court ou l’on joue a la paulme, de laquelle court ledit preneur aura et prandra a son proffit les proffiz qui en ystront. Item, la petite estable de ladicte court. Item, la chambre qui tient en la grant salle ou a troys liz, joignant contre la chambre dudit Gregoire, avec l’alee, entree, yssue et descendue dudit hostel et des pourtaux d’icellui, a tenir pour vint six royaulx d’or ou escuz d’or vieulx de LXIIII au marc nagueres aiens cours ou autre or a la valeur chacun an, a paier aux termes de Noel et de Saint Jehan Baptiste par moitié, premier terme commencent a Noel prochain venant. Et par ce faisant auront les autres hostes dudit hostel leur alee et venue pour passez et repassez parmi les allees de devant et des autres allees. Obligent de chacune partie, c’est assavoir ledit preneur paier et ledit bailleur garantir. Et plus, par ce contrault faisant, ledit preneur tiendra tout ce que dit est dessus du jour d’uy jucques a ladicte feste Saint Jehan Baptiste 1 1. Suit une lettre biffée non identifiable. en lui paient VI reaux d’or seulment a ladicte feste de Saint Jehan. Et veult ledit bailleur que au regard dudit loier lettres en soient faictes pour ledit preneur les meilleurs que faire se pourra.
Dans la marge gauche : ff.
