École des chartes » ELEC » LI NEUVIESME LIVRES » VI. Qui sont segur en gage et de cex qui ont le gage en leu dou creancier [rubr.]

VI. Qui sont segur en gage et de cex qui ont le gage en leu dou creancier [rubr.]

  • Traduit du Dig., liv. 20, tit. 3, frag. 5, et du tit. 4 : Qui potiores in pignore vel hypotheca habeantur, et de his qui in priorum creditorum locum succedunt.

§ {20.3.5} Idem. Creditor.

Le creancier qui prist en gage le fiz qui est en bau le doit comperer.

§ {20.4.5} Ulpianus. Interdum.

Aucunne foiz avient que le derenier creancier est mellor que le premer ; ausi comme se l’en a despendu en ceste chose garder que le segont creancier despendi ; ausi comme se la nef qui fut en gage et je face creance à lui armer ou à raparellier.

§ {20.4.8} Idem. Si pignus.

Se commun prent especiaument gage, l’en doit dire que ele est avant que le tresor l’enpereor se le detor i est enprés obligié ; car cil qui ne sont pas do commun sont avant mis aucunne foiz.

§ {20.4.10} Si jure.

Se cil qui pot juigier juiga par droit [87vA] que le gage fut pris, il est plus fort por les privileges do tens ; li heir en cui persone le gage fut baillé, i est tenuz 1.

§ {20.4.14} Idem.

Se aucun engage à .ii. seignors en divers tens, le premer en a le meillor, ja soit ce que il teigne se nos recevons gages de divers seignors.

§ {20.4.18} Scevola. Lucius.

Lucius Tucius presta argent sor gages à usures et Menius balla argent à celi detor sor ces gages ; je demande se Ticius eust le meillor, non pas solement dou chetel mes des usures qui vindrent enprés avent2 que Menius feist la creance ? Je di que Lucius Ticius en a le meillor de quanque l’en deut.

§ {20.4.20} Triphoninus. Querebatur.

L’en demandoit, se enprés le premer marchié que tu feis à toi3, avant que tu ballasses à creance autre peccune, Seius fit creance au detor dusqu’à .l. solz, et le detor engaga le gage de cele chose qui restoit baillie en gage, et enpré tu creus par aventure .xl. ‹…› ou Seius .l., posé que Seius t’offre la pecune qui est creue au commoincement ? Je di que bien est que Seius soit le meillor en ce que il a plus en gage, et que le premer creancer soit avant en la peccune qui est oferte au commencement que il crut au premer detor.


1 Passage qui pose problème, cf. lat. Si et iure iudicatum et pignus in causa iudicati ex auctoritate eius qui iubere potuit captum est, privilegiis temporis fore potiorem heredem eius, in cuius persona pignus constitutum est
2 avent] alient dans le ms., faute de lecture du scribe, cf. lat. antequam
3 toi] troi dans le ms., cf. lat. si post primum contractum tuum