XV. Quex genz devent porter garentie et quex non.
§ 1.
Bâtar ne puet porter garantie, ne desvé, ne sergent que se combat por argent, ne enfant non aagé de moins de quinze anz, ne serf sanz le congié son sergnor, ne feme sanz le congié son seignor, ne home, ne feme, por quoi il soit prové an juigement que il ait pris le loier por soi parjurer ; et se il a pris por savoir la vérité, il n'est convaincuz qu'en cele cause.
§ 2.
Vaincuz ne puet porter garentie ; et de veincu la prove est seue par les cors et par les gardes. Et comment puet l'en tel chose prover ? Par deus garanz. En tel chose n'a point de bataille.
