253
Métayage. — Jean Chardon, laboureur, paroissien de Saint-Aignan à Sandillon, prend à moisson pour les six récoltes à venir de Marion la Baillive, bourgeoise d’Orléans, l’hôtel de Husson avec sa métairie, situés en la paroisse de Saint-Aignan, pour 2 muids et demi de seigle sur la récolte, la moitié des fruits venant des arbres, une mine de navets, la moitié des tuteurs qu’il aura faits en se fournissant à la saulaie du lieu, le tout livré chaque année à l’hôtel de Marion. Il s’engage en outre à utiliser mille chaumes pour l’hôtel, tandis que Marion s’engage à lui prêter avant novembre 60 s. p. que Jean lui rendra à la première récolte.
119 r°Et ledit jour de dimenche.
Jehan Chardon, laboureur, parroissien Saint Aignan de Sandillon lez Orleans, prent a moison, ferme ou pension, de la feste de Toussains prouchaine venant jusques a six annees, six cueilletes et desblees prouchaines aprés ensuivans, de Marion la Baillifve, bourgoise d’Orleans, qui lui baille, son hostel et mestairie appartenant a ladicte Marion et qu’elle a assis en ladicte parroisse de Saint Aignan de Sendillon, appellé l’ostel de Husson, ainsi comme il se comporte et poursuit en terres labourables, bois, pastiz, solaies, arbres portans fruit et autres appartenances. A tenir pour deux muis et demi de blé seigle mesure d’Orleans, tel comme il croistra esdictes terres de moison, ferme ou pension, a rendre et paier chacun an par ledit preneur etc. a ladicte Marion, a ses aiens cause ou au porteur de ses lettres, aux coustz, voictures et charroiz dudit preneur en l’ostel d’icelle Marion a Orleans, au terme et feste de Notre Dame my aoust, premier terme et paiement commençant de la feste de Notre Dame my aoust en ung an. Et par ce faisant, sera tenu ledit preneur de bailler et amener, par chacun an durant ledit temps, en l’ostel de ladicte Marion, la moittié de touz les fruiz qui seront trouvez esdiz arbres 119 v° portant fruit, ovec une mine de naveaulx par chacunes annees, et avec ce sera tenu et a promis ledit preneur de faire ou faire faire par chacun an tous les charniers qu’il pourra trouver es soulaies dudit lieu, desquielx il sera tenu bailler et amener par chacune desdictes annees en l’ostel de ladicte Marion, et a ses coustz et despens, la moittié desdiz charniers en lui paiant la moittié de la façon de ce qu’ilz cousteront a faire tant seulement. Et aussi a promis et sera tenu de emploiez ou faire emploier oudit hostel pendant ledit temps de six ans ung millier de chaume, a ses cousts et despens. Et aussi ladicte Marion sera tenue bailler et prester audit preneur, dedens la feste de Toussains prouchaine venant, la somme de soixante solz tournois, monnoie courant a present, lesquielx ledit preneur sera tenu rendre et paier a ladicte Marion a la premiere desblee qu’il cueillera. Obligent de chacune partie etc. Renoncent etc. Coustz etc.
Dans la marge gauche : f.
