364
Rente. — Jean le Gouz, vigneron, paroissien de Saint-Jean-le-Blanc prend à rente perpétuelle de Jean Baudoin, vigneron de la même paroisse, un demi arpent de vigne à Saint-Jean-le-Blanc pour 8 s. p. par an et la culture de la vigne. La prise a été faite en présence de Robin Rameau, qui renonce au demi arpent qu’il avait pris à rente de Jean Baudoin.
146 r°Le mercredi XIme jour de decembre.
Jehan le Gouz, vigneron, parroissien Saint Jehan le Blanc, prent a rente annuelle et perpetuelle pour touz jours de Jehan Baudoin, vigneron, parroissien dudit Saint Jehan le Blanc, qui lui a baillé, demi arpent de vigne en une piece et tout ce qui est en la piece, sans riens oster ne parfaire, que ledit bailleur disoit avoir de son propre heritaige assis et seant ou clox Moteau, parroisse dudit Saint Jehan le Blanc, tenant audit bailleur d’une part, a Pierre Nyvart d’autre part et a Pierre Yvete boulengier d’autre part, chargé des cens et dismes enciens. A tenir pour huit solz parisis, monnoie marc d’argent VII livres tournois, de rante annuelle et perpetuelle. A paier chacun an franchement et quittement audit bailleur etc., au terme et feste de Toussains, premier terme et paiement commençant a la Toussains prouchaine venant. Et par ce faisant a promis et sera tenu ledit preneur, ses hoirs etc. de faire et labourer icelle vigne, par chacune annee de toutes façons et en saison bien et convenablement en maniere qu’il puisse valoir ladicte rente de VIII solz parisis et mieulx. Et paier avec ce toutes tailles d’eglise, de ville, de turcies et autres subsides que l’en pourroit imposer sur ledit demi arpent de vigne. Et audit bail et choses dessusdictes faire a esté present Robin Rameau, parroisse dudit Saint Jehan le Blanc, que ledit demi arpent avoit a tenir a touz jours dudit Baudoin, qui a ce s’est consentu et a renoncé et renonce du tout au prouffit dudit preneur. Obligent de chacune partie, c’est assavoir ledit preneur paier et ledit bailleur garantir etc.
Dans la marge gauche : ff.
