356
Ferme. — Guillot Barrier, charpentier d’Orléans, prend à ferme, pour 59 ans à partir du 1er novembre dernier, de l’abbaye Saint-Euverte un demi arpent de vigne et de terre moyennant 6 s. p. par an et la culture de la terre.
144 r°Et le venredi VIe jour de decembre.
Guillot Barrier, charpentier d’Orleans, prent a rente, ferme ou pension, de la Toussains derreniere passee jusques a LIX ans prouchains aprés ensuivans, de messeigneurs les religieux abbé et couvent de Saint Euvertre d’Orleans, demi arpent tant de vigne que terre sans riens oster ne parfaire, assis ou cloux de [...] 1 1. Il semble y avoir un mot manquant. tenant a l’eritaige que souloit tenir feux maistre Jehan le Bossu d’une part et a la rivière d’autre part **** 2 2. Il y a un blanc équivalent à la moitié d’une ligne., chargé des cens et reddevances enciennes. Lequel par ce faisant ledit preneur, ses hoirs ou aians cause seront tenuz de paiez par chacun an ou nom desdiz religieux abbé et couvent et sans riens rabatre de la rente cy dessoubz declairee. A tenir, usfruicter etc. pour six solz pasisis, monnoie marc d’argent VII livres tournois et au dessoubz, de rente, ferme ou pension, a rendre et paier chacun an franchement et quittement par ledit preneur, ses hoirs etc. ausdiz religieux abbé et couvent de Saint Euvertre, a leurs successeurs et a ceulx qui auront cause d’eulx ou au porteur de ces lettres, au terme et feste de Toussains, premier terme commençant 144 v° a la Toussains prouchaine venant. Et par ce faisant sera tenu ledit preneur, ses hoirs ou aians cause de lui, de faire labourer par [chacun] an ledit temps durant ledit demi arpent tant vigne que [terre] de toutes façons et en saison, bien et convenablement et icellui soustenir et en la fin dudit temps, le lesser en bon estat et convenable. Et paier avec ce toutes tailles d’eglise, de ville, de puis, de pavé et toutes autres subvencions quelxconques que l’en pourroit imposer sur ledit demi arpent. Et avec ce de renouveller ces presentes a chacune mutacion qui se fera dedens ung an aprés ladicte mutacion. Et se ledit preneur ou ses hoirs et aians cause sont de ce deffaillans ou de paier ladicte rente par deux ans entresuivans, en ce cas lesdiz religieux abbé et couvent de Saint Euvertre pourront prandre et exploicter ledit demi arpent d’eritaige comme leur sans contredit. Obligent etc.
