361
Vente. — Lorin Galerant, paroissien de Saint-Martin-sur-Loiret, vend à Jean le Roy, de Saint-Martin-sur-Loiret, pour 59 ans depuis le 1er novembre 1429, trois quartiers de vigne dans la même paroisse que Lorin a pris à ferme du chapitre de Saint-Pierre-Empont pour 10 s. p. par an. La vente est faite à un prix convenu et non déclaré. L’acheteur s’engage à payer la ferme annuelle de 10 s. p. à Lorin et à accomplir sur la vigne ce que le chapitre attend de Lorin.
145 r°Et le dimenche VIIIe jour de decembre.
Lorin Galerant, parroissien Saint Martin sur Loiret, recongnut et confessa que il avoit et a vendu, vend, cede, quitte, transporte et delesse, de la feste de Toussains qui fut l’an mil CCCC XXIX jusques a cinquante neuf ans prouchains aprés ensuivans, a Jehan le Roy, de ladicte parroisse Saint Martin, pour lui, ses hoirs etc. trois quartiers ou environs de vigne assis et seans ou cloux de Villebourin, parroisse Saint Martin, et que tint en son vivant feu messire Raoul Choute, jadis chevecier de 1 1. Suit ladicte, biffé. l’eglise Saint Pere Empont d’Orleans, tenant audit Lorin vendeur d’une part et a Sanxon Penurier d’autre part, a telx cens et redevances comme ledit heritaige peut devoir. Lesquielx heritaiges ledit Lorin Galrant, vendeur, prist des ledit temps des chanoines et chappittre de l’eglise Saint Pere Empont, a la somme de dix solx parisis de rente, ferme ou pencion deubz chacun an au terme et feste de Toussains en tele monnoie comme elle aura cours aux termes escheans, laquelle rente de X solz parisis ledit achatteur sera tenu paier chacun an durant ledit temps a ladicte feste de Toussains audit Lorin Galerant vendeur, a ses aians cause ou au porteur de ces lettres. Et au seurplus faire et paier tout ce que ledit Lorin y estoit tenu faire et acomplir et le en acquitter envers lesdiz chanoines et chappittre dudit Saint Pere Empont et tous autres qui aucune chose lui en pourroient demander le temps ad venir. Ceste vente faicte dudit vendeur audit achatteur pour et parmi certain pris et somme de deniers convenue entre eulx et dont de tout ce ledit vendeur se tint pour contant, et en quitta et clama quitte a touz jours ledit achatteur, ses hoirs etc. Dessaisy etc. Saisy etc. Promettent garantir etc. Obligent etc. Coustz etc. Renoncent etc.
Dans la marge gauche : f.
