le logo Elec

L’année 1437 dans la pratique de Pierre Christofle, notaire du Châtelet d’Orléans

122 v°Et le mardi tiers jour de septembre.

Regnault Ancheaume, cordoannier, parroissien Saint Pol, lui estant sur piez, sain de pensee, en bon sen, en bon advis et en bon, pur et parfait memoire, si comme il apparoit, considerant et attendant qu’il n’est plus certaine chose de la mort, ne moins certaine de l’eure d’icelle, pensant aux choses espirituelles et souveraines, desirant a fouir les vanitez de cest monde pour parveniz aux joies de paradis, non voulant trepasser de cest siecle en l’autre sans faire testament et ordonnance de derenniere voulenté, mais voulant pourveoir au salut et au sauvement de son ame, establi et present au jour d’ui par devant Pierre Christofle, notaire de Chastellet d’Orleans, lequel fist, ordonna, nomma et divisa, fait et ordonne, des biens que Dieu lui a prestez et donnez, son testament et ordonnance de sa derreniere voulenté, en la forme et maniere qui ensuit. En nom du Pere, du Filz et du Saint Esprit. Premierement, il recommanda et lessa son ame a notre seigneur Jesus Christ, a la benoiste Vierge Marie, a monseigneur saint Michiel l’ange et a toute la court de paradis. Item, ledit testateur vieult et ordonne que toutes ses debtes, cleres, congnues ou souffisamment prouvees, soient paiees et acomplies et ses torsfaiz, se aucuns en y a, amendez, renduz et restabliz par les mains de ses executeurs cy dessoubz nommez. Item, il vieult et ordonne 1 1. Suit que, biffé. sa sepulture et [vieult] 2 2. Mot omis. Cf. transaction no 136. estre enterree 3 3. Sic. Ce devrait être enterré. au cemetiere de Notre Dame de Saint Pol et pour ce donne et laisse a ladicte eglise de Saint Pol deux soz 4 4. Comprendre solz. parisis. Item, ordonne et vieult son luminaire estre de deux livres de cire. Item, ordonne et vieult estre dictes et celebrees en ladicte eglise de Saint Pol, le jour de son obit, quatre messes, c’est assavoir l’une du Saint Esprit, l’autre de Notre Dame et les deux autres de requiem, pour le salut et sauvement de son ame et de ses amis trespassez. Item, donne et lesse a l’aumosne de Notre Dame de Saint Pol IIII deniers parisis. Item, ordonne et vieult estre donné le jour de son obit 123 r° XXX deniers parisis a XXX pouvres. Item, donne et lesse aux IIII ordres mendiennes d’Orleans, a chacune ordre IIII deniers parisis. Item, a l’euvre de l’eglise de Saincte Croix IIII deniers. Item, a l’aumosne de ladicte eglise IIII deniers. Item, a monseigneur saint Aignan d’Orleans IIII deniers parisis. Item, a Notre Dame de Clery VIII deniers. Item, a monseigneur saint Euvertre IIII deniers. Item, a monseigneur saint Verain de Jargueau IIII deniers parisis. Et par cest present testament et ordonnance de derreniere voulenté, et toutes les choses contenues en icellui paier et faire enteriner et acomplir ledit testament, fist, ordonna, nomma, eslut et divisa ses executeurs 5 5. Suit Et, biffé., c’est assavoir Jehan HillaireJaques de LuynesJehan de Troyes et Jehan Mahy, bourgoys d’Orleans, et chacun d’eulx pour le tout, es mains desquielx executeurs ou de l’un d’eulx ledit testateur mist et transporta tous ses meubles, conquests et heritaiges quelque part qu’ilz soient, pour le testament et choses dessusdictes acomplir. Et voult que cest testament vaille et tiengne en toutes les meilleurs fourmes et manieres que il pourra mieulx valoir et tenir, tant de droit comme de coustume, en rappellant tous autres testamens et executions ordonnez et faiz avant ce present. En tesmoing etc.

Dans la marge gauche : f.