le logo Elec

L’année 1437 dans la pratique de Pierre Christofle, notaire du Châtelet d’Orléans

124 v°Et le dimenche XVe jour de septembre oudit an.

Messire Henry Boilleve, prestre religieux de l’eglise et abbaye monseigneur saint Euvertre d’Orleans, confessa avoir eu et receu des proviseurs de la confrarie monseigneur saint Fiacre, pour la messe cothidianne d’icelle confrarie celebree en l’eglise Saint Donatian d’Orleans, la somme de quatre livres tournois, monnoie courant a present, qui deubz lui estoient pour son salaire d’avoir dit et chanté, depuis la feste monseigneur saint Fiacre qui fut mil IIIIc XXXVI includ jusques a ladicte feste Saint Fiacre ensuivant mil IIIIc XXXVII exclud, une messe par chacune sepmaine de l’an au jour de venredi. Et desdictes IIII livres tournois dessusdictes et pour ladicte annee escheue et finie a ladicte feste IIIIc XXXVII et aussi de toutes les autres annees qu’il a chantees lesdictes messes se tint content. Quittent etc.