le logo Elec

L’année 1437 dans la pratique de Pierre Christofle, notaire du Châtelet d’Orléans

125 r°Le mercredi XVIIIe jour de septembre.

Jehan Turineau l’ainsnel, marchant demourant a Aubigny sur Nerre, transporte pour touz jours a Estienne le Clerc, conseillier en court laye a Orleans, estudiant a Orleans, la somme de cinquante reaux d’or, en or, moittié de cent reaux d’or, en or, que leur doivent et sont tenuz paier Jehan TurineauGuillaume Turineau et Bernart Turineau, ses enfens, par lettres et autrement. Cest transport fait dudit Jehan Turineau audit estudient pour et en solucion et paiement de certaine somme de deniers, en quoy ledit Turineau disoit estre tenu audit estudiant par lettres et autrement etc. Dessaisy etc. Saisy. Promettent non venir contre. Obligent etc. Et est assavoir que ladicte somme de cent reaux d’or ledit Jehan Turineau pere disoit les avoir paiez pour et ou nom dudit Bernard, son filz, a sires Gilles de Vittry, maistre de la chambre aux deniers du roy notre seigneur a Bourges etc.

Dans la marge gauche : f.