le logo Elec

L’année 1437 dans la pratique de Pierre Christofle, notaire du Châtelet d’Orléans

151 r° Loys Baulin, laboureur, et Guillemete sa femme, o l’auctorité etc., de la parroisse de Saint Marc lez Orleans, prennent a rente, ferme ou pension, du jour d’ui jusques a cinquante neuf ans prouchains aprés venans et entresuivans, de messeigneurs les religieux abbé et couvent de Saint Euvertre d’Orleans ung arpent et demi de vigne en une piece et tout ce qui est en la piece sans riens oster ne parfaire, appartenant ausdiz religieux abbé et couvent, que souloient tenir d’eulx les Thiecelins, assis ou cloux 151 v° de rue Torte en ladicte parroisse, tenant [d’un bout] [...]  1 1. Il y a une tache dans le coin supérieur droit de ce feuillet. De plus, l’encre est effacée sur une partie de la marge droite. et d’autre bout aux vignes de Saint Gervaise  [...]  d’eulx d’une part, a l’eritaige que tient frere Girart de  [...]  Saint Euvertre d’autre, et d’autre part a l’eritaige que  [...]  Perrin Berthier et Thomas le Normant desdiz religieux etc. Item, la [moitié] de trois quartiers de vignes assis oudit cloux, partissans a  [...]  Berthier qui y a l’autre moittié qu’il tient aussi desdiz religieux, tenant d’une part et d’autre a Guillot Mittoire. A tenir, usfruicter etc. pour le pris et somme de vint deux solz parisis de bonne monnoie, marc d’argent VII livres tournois ou meilleur se meilleur a cours, et au dessoubz de rente, ferme ou pension. A rendre et paier chacun an franchement et quittement par lesdiz preneurs etc. ausdiz religieux etc. ou au porteur de ces lettres aux termes des Brandons, premier terme et paiement commençant aux Brandons prouchains venans. Et par ce faisant sont tenuz lesdiz preneurs, leurs hoirs et aians cause d’eulx, de faire et labourer par chacun an ledit temps durant ledit arpent et demi de vigne de toutes façons et en saison bien et convenablement et icellui soustenir et en la fin dudit temps les lesser en bon estat et convenable. Et paier avec ce toutes tailles d’eglise, de ville, de puis, de pavé et toutes autres subvencions que l’en pourroit imposer sur lesdiz heritaiges. Et avec ce, de renouveller ces presentes a chacune mutacion qui se fera dedens ung an aprés ladicte mutacion. Et se lesdiz preneurs ou leurs aians cause sont de ce deffaillans ou de paier ladicte rente par deux ans entresuivans, en ce cas lesdiz religieux abbé et couvent de Saint Euvertre pourront prandre et exploicter lesdiz heritaiges comme leurs sans contredit aucun. Obligent de chacune partie etc. Colx etc. Renoncent etc.

Dans la marge gauche : f
et au-dessous : Pour lesdiz preneurs.