X. D'avoemenz1.

§ 1.

Généraus avoement se doit estre fete en deus menières : li premers est par l'autorité dou prince ; li segonz est par lor ordenement. Nos poons de ceaus fere nostre oir, qui sont seignors d'aus, par le commandemant au prince, et cete menière d'avoiemant est prise : quar l'en doit de celi savoir, qui avoie : si viaut que cil soit hers en ses choses, et se cil qui est à avoer, est priez qu'il le vuelle2. Nos avoions par le commendement à l'Ordenaire, cels qui sont ou poer au père, si com filz ou fille, ou qui sont en plus basse ligne, si com nevou ou nièce, ou plus bas. Et cil avoiement est communs à tés persones, à cels qui ne puent engendrer, comme acoillez, et autres persones qui n'ont nul enfant3 ; et cil puent fere oir en lor choses, en lor lige poesté [p. 60] et ou lit de la maladie ? non, fors au quint des choses qui li vindrent de par ses ancessors, puet l'en doner à avoé : ses achosestes (acquestes) et ses mobles puet-il doner ? oïl ; et se aucuns hons est mis avoez, et il ait enfanz, il et li enfes sont en son poer4. Se aucuns qui est au poer son père ou son avoé, est esleuz à meor, ou en aucune dignité, segure chose est qu'il se puet metre hors de bau5.

§ 2.

Li Ordenaires puet metre hors de sa main fiz, filles et doner les en avoemanz. L'en demende à cels qui sont en lor poer qui vuelent estre avoé, si le vuelent, et se aucuns les avoie, l'en doit regarder la volenté de l'un et de l'autre, ou par otroi ou par contredit6.

§ 3.

Quant un fiz avoié a fiz qui veaut estre avoié, l'en doit requerre la volenté mon filz ; et Renauz de Trieco le commende issi. Quant avoement est fet, n'est pas méter d'avoir l'autorité de tous celx qui sont dou parenté. Commendé a esté droit par Johan de Beaumont que autorité de tutor ne soit pas requise en avoement7.

§ 4.

Torp puet avoer et estre avoez. Se aucuns avoie le fil son fil, c'est son neveu ; il n'est pas por ce veu hers à l'aol : quar il rechiet ou poer au père, emprès la mort à l'eol. Se ge avoie aucun en leu de neveu, n'est pas por ce queneu à er. Se cil qui est hors dou bau son père par droite cause, il ne puet retorner arières ne ben ne bel. An tot droit ne faut guières, quant li poers à celi qui avoie est feniz, il n'i remaint riens de l'anciene matère, et en la parfin la dignité au père qu'il conquist, est chaète quant i faut. Quant aucun a esté avouez, et il s'an ist, il renonce à tot ses droiz8.

§ 5.

Se aucun avoie aucun, l'en doit regarder quel persone l'avoe. Quar plus doit estre riches cil qui a avoé, de celui que l'en avoe, et i deit l'en regarder aage, et doit l'en aider as menors qu'il ne soient déceu en tés choses, ne ne doit l'en pas fere de grant menor9. L'avoement a leu en iceles persones où nature ou droit le puet soffrir10. L'en ne doit pas sofrir que cil qui ara le bau ou la cure d'aucun, l'avot : quar il semble qu'il le face porce qu'il ne vuille rendre conte des [p. 61] choses ; et encore doit l'en anquerre, qui n'et (qu'il n'ait) vilenes convenances entre l'autre et celui qu'il avoie. L'en otroie tant seulement à ces persones à avoer orfenins à cels qui par nature ou par débonèreté avoent, et de toz autres l'en doit l'en deffendre. Enprès l'en doit voir de quel vie est celi qui veaut avoir l'orfelin, et fere de sa mesnie ; emprès de quel aage cil set, qui l'orfelin veaut avoir, por amer(esmer, estimer), s'il doie plus entendre à faire enfans à sei, que à penser de cels qu'il a pris de mesnie11.

§ 6.

Enprès doit l'en veoir se l'en li doit soufrir à avoer plus d'un, que cil ne pregne meins que ne doie, et nature sofre que li plus riches avout le plus poure, s'il est de bone vie, ou por amor Dé, ou porce qu'il le doie fere por droite cause. Et en cet quas doit l'en doner segurté à l'avoé que ses choses ne apeticent. L'en ne doute pas que li avoueur ne doie doner segurté de rendre les choses à l'avoé et à cels à qui eles apartienent, segont ce que l'en verra. Et se ceste caucion est obliée, le (avoé) a bone caucion contre l'avoeor12. Ceste caucion a leu, se l'orfelins est morz dedanz quatorze anz, et ausint le devez-vos entendre de l'orfeline, si com

Se li pères met hors de sa main son fiz, de que il a un neveu qui est en son poer, et emprès le r'avoie, li niés ne torne pas ou poer à l'aiol, quant li pères est morz : car la naturel obligacion ne done pas poer emprès la mort à l'avoeur. Avoemanz ne sunt pas seulement de fiz, mès de neveu, que aucun soit tenu estre nostre neveu, ausit com fiz de mon filz, ou en plus basses lignes, ou en consignance. Se cil qui est neveu de son fiz (avoe) aucun en leu de neveu, ge ne quist pas quant li aieus sera mors, droit de linage soit entre les neveuz : car s'il avoient issi enfes qu'il fust ses niès, ausint com fiz de son fiz de sa feme, je quist que ce ne porroit pas estre. Mès fiz que ge ai conquis en mon servage, doit estre en mon poer, quant il est de ma feme esposée13. L'en demende se aucuns disoit qui fut avoiez heir à un autre en ses choses, et fut fet par devant l'Ordena ire, savoir s'il seroit tenu ? et l'en dit : s'il estoit fet en cor qu'il portât recort, qu'il seroit tenu par le recort de la cort. Or demende l'en, s'il estoit fet sanz cort, comment l'en porroit ce atandre ? et l'en dit que, en cete chose, n'a que sormise : [p. 63] quar contre actor et contre ses garanz n'a que la preuve. Riens n'ait que l'en ne doie croire plus mès que ge soie hériter mon cousin, qui est morz seisiz de la chose, que cil qui riens ne li est.

me li rois commende : car femes puent estre avoées. Se li avoeor mort, et li avoez remaint, qui n'a pas quatorze anz, et emprès mort, savoir se li heir l'avoeor rendront les choses as ers à l'avoé ? et l'en dit que oïl, segont ce que cil li fist et qu'il li pot fere. L'en demende se cil qui n'a quatorze anz puet avoir (avoer) autre ? et l'en dit que non14.

§ 7.

Cil qui est en avoiement n'est pas consins, ne il n'est pas consins en voiement : car avoiemant n'aporte pas droit de lignage ; mès de conoissance. Ne ma mère ne li est pas aole : car cil qui sont de ma mesnie ne me sunt que de quenoissance, et cil ne puet prendre ma fille à feme, se li juges ne li consent. Cil qui n'est pas présens, et cil qui se descorde ne puet estre avoez15. Nus ne puet avoer autre qui ait père ou mère, sanz la volenté au père ou à la mère.

§ 8.

Li pères ne puet fere ce en autre menière : qui son fiz veaut doner en avoement, l'avoement doit estre tex que l'en le puisse confermer [p. 62] par droit. Cil qui n'a quatorze anz, qui est avoez, sera oïz aucune foiz, s'il a quatorze ans et vuelle estre hors de bau ; et li juges le doit fere quant il aura la cause oïe. Et se li enfes de quatorze ans voit que ne soit pas si proz d'estre en avoement, droiz est que cil qui avoit avoé le mete sauvement hors de sa mein, et issint de recevoir le sien droit. Dignité ne apetisse pas par avoiement, eins en croist ; don se aucun vilein avoe quatre granz seignors, et droit le done, il n'en n'a pas la dignité. Car seue chose est que li pères puet marier en queconques leu où il voudra son fiz et il plese au prince.

Johan de Beaumont dit itex paroles : Ce que tu déserres et deit enpétrier, li juges esmeront que tex i saient apelé qui contrediront le confermement d'avoiement, que l'en ne face tort à nului16.

§ 9.

Se aucuns est mis avoez, et est en mon poer, si enfanz, qui sont à son poer, sont an mon poer ; et quant li pères est mors, la nature de l'obligacion ne me done pas que li enfant soient en mon poer. Acoillié, si fet d'aucun son er, il le puet fere, ne son vice de ce qu'il est acoilliez ne li est pas empeschement17.

§ 10.

Se li pères met hors de sa main son fiz, de que il a un neveu qui est en son poer, et emprès le r'avoie, li niés ne torne pas ou poer à l'aiol, quant li pères est morz : car la naturel obligacion ne done pas poer emprès la mort à l'avoeur. Avoemanz ne sunt pas seulement de fiz, mès de neveu, que aucun soit tenu estre nostre neveu, ausit com fiz de mon filz, ou en plus basses lignes, ou en consignance. Se cil qui est neveu de son fiz (avoe) aucun en leu de neveu, ge ne quist pas quant li aieus sera mors, droit de linage soit entre les neveuz : car s'il avoient issi enfes qu'il fust ses niès, ausint com fiz de son fiz de sa feme, je quist que ce ne porroit pas estre. Mès fiz que ge ai conquis en mon servage, doit estre en mon poer, quant il est de ma feme esposée18. L'en demende se aucuns disoit qui fut avoiez heir à un autre en ses choses, et fut fet par devant l'Ordenaire, savoir s'il seroit tenu ? et l'en dit : s'il estoit fet en cor qu'il portât recort, qu'il seroit tenu par le recort de la cort. Or demende l'en, s'il estoit fet sanz cort, comment l'en porroit ce atandre ? et l'en dit que, en cete chose, n'a que sormise : [p. 63] quar contre actor et contre ses garanz n'a que la preuve. Riens n'ait que l'en ne doie croire plus mès que ge soie hériter mon cousin, qui est morz seisiz de la chose, que cil qui riens ne li est.