XII. De dignités1.
§ 1.
Johans de Beaumont dit qu'il ne quide pas que cil soit juges, ne qu'il port tesmoin, qui a esté ostez d'estre baillif par son forfet, ne n'a pas recovrée sa digneté qu'il avoit devant : quar la loi que li sage home firent le deffent. — Blanche dit : Qui n'est dignes de petite digneté, n'est pas digne de la grant2.
§ 2.
Nos devon entendre que cil qui la dignité a à éritage, que cil est son eir qui est fiz de sa feme espousée, et cil doit avoir la dignité : avoez n'est pas ers en tel chose. Ne ne puet chaloir quant il ot la dignité, avant que li fiz fût nez, ou après. Fiz que baillif done en avoement à celi qui est plus bas en dignité, est fiz de baillif : quar la dignité [p. 66] de baillif n'est perdue par l'avoement. Et li rois meismes dit que li fiz qui nest amprès la mort au baillif, qu'il set fiz de baillif. Mès cil qui est conceuz et nez emprès ce que li pères a esté osté d'estre sinatort (baillif), li rois meismes dit qu'il ne doit pas estre fiz de baillif. Et la sentence le roi est bone : quar cil n'est propremant fiz de baillif, don li pères est osté d'estre baillif avant qu'il nasquist et fust conceus. — Se aucuns a aol et père baillif, il est neveu et fiz à baillif ; et se li pères pert la dignité avant que soit conceuz, l'en demende s'il est fiz de baillif ? et l'en dit que non ; mès il est nevou à baillif. Et meauz est que la digneté à son aïol li valle, que la perte de son père li nuise3.
§ 3.
Dames qui sunt mariées à hautes persones, sont apelées hautes et nobles, par la reson des mariz. L'en entent filles de haus homes, hautes persones ; ne l'en n'i apèle pas celes qui n'ont gentis homes à mariz : quar li mariz portent à lor femes la dignité, et les mères ausint, tant comme eles ne se marient plus bas. Tant est la dame gentil, tant comme ele est marié à gentis, tout soit-ele départie de li, tant com ele ne se marie à plus bas. — Se feme est digne par lignage ou par mariage, et ele se marie à non digne, ele pert sa digneté et doit segre la conduction à lo home : et se ses maris mort, a (elle) remeint an l'estat au seignor.
§ 4.
Aucuns est frans et dignes por la reson de l'éritage qu'il tient, tout ne soit-il pas par la reson de son cors ne des successors (ancessors ?).
§ 5.
Nos devons tenir cest gentil et noble, qui de aol et de bésaol sont gentil et noble ; et cels puent dire sentence comme noble4.
