XV. De aucion de larrecin [rubr.]
- Traduit du Dig., liv. 13, tit. 1 : de Condictione furtiva.
§ {13.1.1} In re furtiva.
En chose emblee avient la demande au seignor.
§ {13.1.2} Ponponius. Condicione.
Hors dou seu et anfanz sont obligié de cause de larrecin quant il i a hers, tot ne puisse l’en pledier ou aus.
§ {13.1.3} Paulus. Si condicatur.
Si serf est demandez par cause de larrecin, ce doit venir en la demande por conbien cil ne vosist qu’i pledoie ; ausi comme s’il i a heir establi et li sire est apereliez de perdre l’eritage, si comme Julien dit ; et s’il demande un home mort, il le doit avoir ou le pris de l’eritage.
§ {13.1.4} Ulpianus. Si servus.
Se serf ou cil qui est en ba‹n› amble, l’en doit demander au seignor ce que il en a eu ; et por le remoignent, li sires puet doner le serf por le forfet.
§ {13.1.5} Paulus. Ex causa.
[69rA] De cause de larrecin puet l’en demander au serf, et nus n’est tenuz de cele demande fors cil qui embla ou li hers.