5
Composition. — Chambault Hemon, laboureur, paroissien de Saran, compose avec Gilet du Cloux et sa femme Bourguie, habitants de la paroisse de Darvoy, pour le meurtre de Marion, fille de Chambault et nièce de Bourguie.
57 v° Chambault Hemon, laboureur parroissien de Saran leez Orleans, lequel recongnut et confessa que, par le conseil, deliberacion et consentement de ses parens et amis charnelz comme il disoit, il avoit et a finé et composé a Gilet du Cloux, de Bourguie 1 1. Comprendre et a Bourguie. sa femme demourans en la parroisse de Darvoy a certaine somme de deniers qui promise lui avoit esté, donnez et baillez par les dessus nommez pour tous les interestz, injures, villenies, partes et dommaiges qu’il 58 r° a euz et puet avoir a cause de la mort et occision nagueres faicte par les dessus nommez Gilet du Cloux et Bourguie sadicte femme a la personne de Marion, fille dudit Chambaut et nyepce de ladicte Bourguie, femme dudit Gilet du Cloux. Et parmi ce, icelui Chambau[t] 2 2. Marge droite noircie. se tint et tient enterinement pour contante 3 3. Comprendre contant., sattisfait et paié et agreé par devant ledit notaire des dessus nommez. Et de ladicte composition et de tous ses interestz, injures, villenies, partes et dommaiges dessusdiz, ledit Chambaut Hemon quitta, quitte et clame a tous jours les dessus nommez Gillet du Cloux, Bourguie sadicte femme, leurs hoirs et ceulx qui d’eulx auront cause aprennent les choses dessusdictes. Et 4 4. Un mot ou un début de mot de trois lettres hachuré suit. oultre a voulu, vieult, conscent et acorde ledit Chambaut par ces presentes que en tant que touche et puet toucher le clain par lui fait a justice soit nul et de nulle valeur et ad ce a renoncé et renonce du tout a leur prouffilt. Et oultre que eulx, leurs corps et biens soient mis a pleine delivrance se aucunement estoient pour ce empeschez. Obligent etc.
Dans la marge gauche au folio 56v : G. du Cloux et Bourguie sa femme, f.
