le logo Elec

L’année 1437 dans la pratique de Pierre Christofle, notaire du Châtelet d’Orléans

60 r° Jehanin Picquot, chandelier d’Orleans, confesse avoir quitté et clame quitte a touz jours Foucquet de Merpoy son serorge, nagueres son tuteur, de toutes les receptes et mises qu’il a faictes ou temps passé tant de ses feu pere et mere comme de toutes les revenues de ses heritaiges et autrement et generalment de toutes les autres 60 v° choses quelxconques en quoy ledit Foucquet peust estre tenu audit Piquot, ne aussi que ledit Picquot l’en eust peu ou pourroit demander de tout le temps passé jucques a hui. Et dont etc. Quittent etc. Non comprins en ce certains livres de loys qui de pieça furent mis et baillez es mains de Jehan des Champs sergent d’Orleans, lesquelx livres ledit des Champs dit depuis avoir esté pris par maistre Thibaut du conscentement dudict Foucquet des le temps que ledit des Champs estoit prisonnier, et aussi certaines lettres obligatoires que a Pierre Christofle.

Dans la marge gauche : a.