le logo Elec

L’année 1437 dans la pratique de Pierre Christofle, notaire du Châtelet d’Orléans

68 r°Ledit jour de mercredi.

Perrin le Norment, laboureur, et Jehannete sa femme, parroissiens Saint Euvertre d’Orleans, ladicte femme o l’auctorité etc., prenent a rante, ferme ou pension, de la feste de Toussains derniere passee jucques a cinquante neuf ans prochains aprés ensuivant, des religieux abbé et couvent de Saint Euvertre d’Orleans, une masure ou nagueres souloit avoir maison avec le vergier de derriere appartenant a la ladicte masure, ainsi comme tout se comporte et poursuit, que lesdiz religieulx abbé et couvent dient a eulx appartenir et seans es forbours de la porte Saint Aignan d’Orleans en la rue de l’Estellon, parroisse de la chappelle Saint Aignan68 v° tenant a la rue de l’Empereur d’une part, ouvrant en ladicte rue de l’Estellon d’autre et ausdiz religieux abbé et couvent de toutes autres pars, chargez des cens et charges anciennes que seront tenuz paier par chacun an lesdiz preneurs du leur propre ou non desdiz religieux abbé et couvent, sans riens rabaptre de la rente cy dessoubz declairee, a tenir etc. pour douze solz parisis, monnoye marc d’argent VII livre tournois et 1 1. Répétition de et. au dessoubz, de rente, ferme ou pension, a paier chacun an durant ledit temps de LIX ans franchement et quittement par lesdiz preneurs, par leurs hoirs et aiens 2 2. Suit la lettre s. cause d’eulx ausdiz religieux abbé et couvent etc., aux termes et festes de Pasques et de Toussains, a chacun terme la moitié, premier terme et paiement commançant a la Toussains prochaine venant. Et par ce faisant, seront tenuz lesdiz preneurs, leurs hoirs et aiens cause d’eulx, de faire et faire faire dedans 3 3. Suit ung, biffé. troys ans prochains venans en ladicte masure une maison faicte et parfaicte, bonne et convenable, qui vaille et puisse valoir ladicte rente et mieulx. Et icelle maison faicte, la soustenir bien et convenablement et en la fin dudit temps la lessez en bon estat et convenable, et de paier du leur toutes tailles d’eglise, de ville, de puis, de pavé et autres subvencions quelxconques que l’en pourroit imposez sur ladicte masure, et en acquitter et garantir lesdiz religieux abbé et couvent de Saint Euvertre d’Orleans et leurs successeurs, et de renouveller ces presentes a chacune mutacion qui ce fera dedans ung an aprés ladicte mutacion. Et se ilz en sont deffaillans ou de paier ladicte rente par deux ans entressuivans, en ce cas lesdiz religieux abbé et couvant pourront pranre 4 4. Comprendre prandre. et exploicter ladicte masure et jardin comme leur, sans contredit aucun. Obligent lesdiz preneurs paier et faire etc.

Dans la marge gauche : ff
et au-dessous : Saint Euvertre.