303
Contrat d’apprentissage. — Pierre Duret, fils de feu Regnault Duret, du Poitou, âgé de 18 ans et avec le consentement de son oncle Jean Duret, chanoine de Notre-Dame de Chécy, se loue pour trois ans à Pierre Triquot, tanneur et marchand d’Orléans. Le maître s’engage à le former comme maître tanneur et l’apprenti à offrir le dîner habituel aux maîtres du métier dès qu’il sera maître lui-même. L’oncle de Pierre s’engage à payer au tanneur 20 royaux d’or pour les trois ans.
130 v° Pierre Duret, filz feu Regnault Duret de Poitou, aagé de XVIII ans ou environ, usant de son plain droit si comme il disoit, confessa en la presence et du consentement de messire Jehan Duret, prestre chanoine de Notre Dame de Clecy lez Orleans son oncle, soy estre baillé et alloué du jour d’ui jusques a trois ans prouchains venans et ensuivans, a Pierre Triquot, tanneur et marchant d’Orleans, qui le prant pour estre et demourer ovec lui et le servir en son mestier et marchandise de tanneur et en tous ses autres affaires licites et raisonnables comme varlet aprantiz doit servir son maistre. Et pour ce faire, ledit Pierre Tryqu[ot] 1 1. Terminaison cachée dans la reliure. son maistre a promis et sera tenu lui querir et aministrer boire, men[ger] 2 2. Terminaison cachée dans la reliure., lit, hostel et chaussemente de solliers tant seulement et lui monstrer avec ce 131 r° l’art et science dudit mestier et marchandise de tanneur. Et en la fin dudit temps, le rendre maistre de tanneur se en lui ne deffault, en paiant par ledit Duret tout tel disner comme il esconvient faire aux maistres dudit mestier de tanneur, si tost qu’il sera passé maistre et promect faire. Ledit messire Jehan Duret, ou nom et pour ledit Pierre Duret son nepveu, a hui promis et sera tenu de rendre et paier audit Pierre Triquot ou au porteur etc. la somme de vint reaulx d’or, en or, pour tout ledit temps de III ans aux termes et par la maniere qui s’ensuit. C’est assavoir a la Penthecoste prouchaine venant X reaux d’or et le seurplus et demourant de la Toussains prouchaine venant en deux ans. Obligent de chacune partie etc. Renoncent etc. Coustz etc. Et mesmement lesdit Durets chacun pour le tout etc.
Dans la marge gauche : ff.
