308
Ferme. — Robin Mathelin, de Lorris mais habitant maintenant dans la paroisse Saint-Euverte, prend à ferme pour 59 ans, de l’abbaye de Saint-Euverte, trois quartiers de vigne situés au clos Saint-Denis, moyennant 8 s. p. par an et la culture de la vigne.
132 r° Robin Mathelin, de Lorriz en Gastinois, a present demourant en la parroisse Saint Euvertre, confessa avoir pris semblablement de la Toussains prouchaine venant jusques au temps de cinquante neuf ans prouchains aprés ensuivans desdiz religieux abbé et couvent de l’eglise et abbaye monseigneur saint Euvertre d’Orleans trois quartiers de vigne en une piece et tout ce qui est en la piece sens riens oster ne parfaire, que lesdiz religieux abbé et couvent de Saint Euvertre disoient avoir et a eulx appartenir ou cloux de Saint Denis, parroisse de **** 1 1. Environ un tiers de la ligne a été laissé en blanc., tenant a Guillot Guesdion d’une part et a Jehan de la Fontaine d’autre part, chargez des cens et charges enciennes, lesquelles ledit preneur sera tenu paier par chacun an ou nom desdiz religieux abbé et couvent sans riens rabatre de la rente cy dessoubz declairee etc. A tenir etc. pour huit solz parisis, monnoie marc d’argent VII livres tournois et au dessoubz, de rente, ferme ou pension. A rendre et paier chacun an franchement et quittement par ledit preneur ausdiz religieux abbé et couvent de Saint Euvertre, a leurs successeurs 2 2. Suit a eulx, biffé., a ceulx qui auront cause d’eulx ou au porteur de ces lettres, au terme et feste de Toussains, premier terme et paiement commençant de la Toussains prouchaine venant en ung an. Et par ce faisant sera tenu ledit preneur, ses hoirs et aians cause de lui de faire et labourer par chacun an ledit temps durant lesdiz trois quartiers de vigne de toutes façons et en saison bien et convenablement et iceulx soustenir et en la fin dudit temps les laisser en bon estat et convenable et paier avec 132 v° ce toutes tailles d’eglise, de ville, de puis, de pavé et toutes autres subvencions quelxconques que l’en pourroit imposer sur lesdiz heritaiges. Et avec ce de renouveller ces presentes a chacune mutacion qui se fera dedans ung an aprés ladicte mutacion. Et se ledit preneur ou ses aians cause sont de ce defaillans ou de paier ladicte rente par deux ans entresuivans, en ce cas lesdiz religieux abbé et couvent de Saint Euvertre pourront prandre et exploicter lesdiz heritaiges comme leurs sans contredit. Obligent etc. Et par ledit preneur.
Dans la marge gauche : f.
