306
Ferme. — Jean Couste, laboureur de vignes, paroissien de Saint-Euverte, prend à ferme pour 59 ans, de l’abbaye de Saint-Euverte, trois quartiers de vignes situés dans la paroisse Saint-Marc, moyennant 9 s. p. par an et la culture de la vigne.
131 v° Jehan Couste, laboureur de vignes, parroissien Saint Euvertre d’Orleans, confessa avoir pris a rente, ferme ou pension de la Toussains prouchaine venant jusques au temps de cinquante neuf ans prouchains aprés ensuivans, des religieux abbé et couvent de l’eglise et abbaye monseigneur saint Euvertre d’Orleans, troys quartiers de vigne estans en une piece et tout ce qui est en la piece sans riens oster ne parfaire, que lesdiz religieux abbé et couvent de Saint Euvertre disoient avoir et a eulx appartenir ou clox Notre Dame, parroisse Saint Marc, tenant a l’eritaige desdiz religieux abbé et couvent d’une part et de l’autre part aux hoirs feu Guillemin Costenceau, chargez des cens et charges enciennes, lesquelles ledit preneur sera tenu paier par chacun an ou nom desdiz religieux abbé et couvent sans riens rabatre de la rente 1 1. Suit la lettre d biffée.cy dessoubz declairee. A tenir etc. pour neuf solz parisis, monnoie courant a present, marc d’argent VII livres tournois et au dessoubz, de rente, ferme ou pension. A rendre et paier chacun an franchement et quittement par ledit preneur etc. ausdiz religieux abbé et couvent de Saint Euvertre, a leurs successeurs, a ceulx qui auront cause d’eulx ou au porteur de ces lettres, au terme et feste de Toussains, premier terme et paiement commençant de la Toussains prouchaine venant en ung an. Et par ce faisant, sera tenu ledit preneur, ses hoirs et aians cause de lui, de faire et labourer par chacun an, ledit temps durant, lesdiz trois quartiers de vigne de toutes façons et en saison bien et convenablement et iceulx soustenir et en la fin le[s] 2 2. Terminaison cachée dans la reliure. laisser en bon estat et convenable. Et paier avec ce toutes tailles d’eglise, de ville, de puis, de pavé et toutes subvencions quelxconques que l’en pourroit imposer sur lesdiz heritaiges. Et avec ce de renouveller ces presentes a chacune mutacion qui se fera 132 r° dedans ung an aprés ladicte mutacion. Et se ledit preneur ou ses aians cause sont de ce deffaillans ou de paier ladicte rente par deux ans entresuivans, en ce cas lesdiz religieux abbé et couvent de Saint Euvertre pourront prandre et exploicter lesdiz heritaiges comme leurs sans contredit. Obligent etc. Par ledit preneur.
Dans la marge gauche : f.
