373
Vente. — Robinet des Vaulx et sa femme Marion, paroissiens d’Ingré, vendent à Philippot Damont, d’Ingré, une maison située dans la paroisse de Saint-Loup à Ingré, un palier de vignes, un de terre et un jardin, pour le prix de 5 royaux d’or et 16 s. p., dont Philippot a payé 3 royaux d’or.
148 v° Robinet des Vaulx et Marion sa femme, parroissiens d’Ingré, ladicte femme o l’auctorité etc., vendent pour touz jours a Phelipot Damont, demourant 1 1. Suit a Orleans, biffé. audit lieu d’Ingré, pour lui, ses hoirs etc. une ferme de maison couverte de tieulle, en eslargissant sur l’eritaige Perrin Poictrine que lesdiz mariez dient a eulx appartenir mouvant du propre heritaige de ladicte Marion, assise en ladicte parroisse de Saint Loup d’Ingré, tenant audit achatteur d’une part et audit Pierre Poictrine de l’autre part. Item, ung pailleau de vigne avec le jardin estant derriere de ladicte ferme, tenant a Colin le Pilleux d’une part et a Marguerite Prevoste d’autre part. Item, ung autre pailleau de terre tenant audit achatteur d’une part et audit Poictrine d’autre part, tout mouvent de l’eritaige de ladicte femme, chargez de ung denier tournois de cens envers le seigneur d’Ingré, deubz chacun an le landemain de Noel, au seurplus frans et quittes jusques a huy, pour la somme de cinq reaulx d’or, en or, et seize solz parisis, monnoie courant a present, paiez en presence III reaulx d’or et du seurplus se tint content etc. Quittent etc. Dessaisy etc. Saisy etc. Promettent garantir etc. Obligent par foy etc.
Dans la marge gauche : f.
