VIII. Cil qui sont semons a jor, i aillent, ou i envoient.
§ 1.
Cil qui sont semons, allent au jor, ou il i envoient pour aus qui les plévissent.
§ 2.
[p. 85] L'en commende en cest ban, que se l'en done plège que aucun viegnent à jor, que l'en le pregne bien soufisanmant, fors en persones nécessaires, si comme père, comme fiz, ou patron : car en cel leu reçoit l'en tex plèges com l'en le puet avoir ; et de patrone, et por bruz. Et lors doit doner sentence contre le juge qui ne le reçoit ou demende, comme il sache le besoing des parties. Et sachiez que l'en doit tenir plège por bens et por riches en tex persones1.
§ 3.
Qui promet trois homes à fere venir à jor, s'il en i a un seulement, il n'a mie fet ce qu'il a promis, comme il n'en i ait amené que un2.
