le logo Elec

L’année 1437 dans la pratique de Pierre Christofle, notaire du Châtelet d’Orléans

90 r°Et le dimenche XIIIIe jour d’avril mil IIIIc XXXVII, Jehan le Prestre licencié en lois, garde etc.

Pierre Gautier, cousturier et marchant d’Orleans, d’une part, et Jehan Prudomme, des forbours Saint Aignan d’Orleans, d’autre part confessent que pour raison du mur mestaier que est entre l’ostel dudit Pierre Gaultier, nommé l’ostel du Chasteau, et l’ostel dudit Proudomme, icellui Pierre Gaultier a promis et sera tenu de faire refaire ledit mur mestaier a ses colx et despens, depuis les fondemens jusques au rees de la charpenterie que est de present encommancee de lever. Et icellui mur fait sera et demoura a tous jours commun entre eulx, pourveu toutesvoyes que toutes fois qu’il plaira audit Proudomme de soy appoyes 1 1. et hausser sondit hostel, faire le pourra moyennant et parmi ce qu’il sera tenu paier audit Pierre Gautier la somme de deux reaulx d’or, en or, aux termes et par la maniere que s’ensuit, c’est assavoir, a la Penthecoste prouchaine venant, ung real d’or et l’autre real d’or a la saint Jehan Baptiste aprés ensuivant. Obligent par foy etc. Renoncent, colx etc.