149
Vente. — Thibaut le Norment, cordonnier d’Orléans, vend à Jean Christofle, sergent du duc d’Orléans, pour le prix de 20 royaux d’or, une maison située dans la paroisse Saint-Vincent-des-Vignes, chargée de 6 d. p. de cens et de 4 s. p. de rente, ainsi qu’un demi arpent de vignes au clos Sainte-Croix, chargé de 4 d. p. de cens et de 6 d. p. de rente.
91 v°Et le lundi XXIIe jour d’avril, veille de Saint George.
Thibault le Norment, cordoannier d’Orleans, vent, transporte et delesse pour tous jours a Jehan Christofle, sergent de mon seigneur le duc d’Orleans, pour lui, ses hoirs etc. une maison couverte de tieulle ainsi comme elle se comporte et poursuit, que ledit vendeur disoit avoir de son propre heritaige assis et seant en la parroisse Saint Vincent des Vignes lez Orleans, tenant a l’eritaige Jehan Fournier d’Orleans d’une part et a Benoist Giroust d’autre, chargee de six deniers parisis de cens deubz chacun an le jour de Saint Vincent envers le prieur dudit Saint Vincent et aussi chargee de quatre solz parisis de rente chacun an envers les chappellains de Saint Aignan le jour de Toussains. Item, demi arpent de vigne ainsi comme il se comporte et poursuit, que ledit Thibault dit avoir aussi de son propre heritaige, assis et seans ou cloux de Saincte Croix, tenant a Robin le Norment, pere dudit Thibault, d’une part, et a Dommangin Cherpant, barbier, d’autre, chargé de quatre deniers parisis de cens deubz chacun an le jour de Saincte Croix en may envers l’eglise d’Orleans et de six parisis de rente chacun an envers messire Pierre Troillart, prestre, audit jour de Toussains. Au seurplus frans et quittes jusques a hui, pour vint reaux d’or, en or, paiez et baillez dudit achateur audit vendeur si comme etc. Et dont etc. Dessaisi etc. Saisi etc. Promettent garantir etc. Obligent etc.
Dans la marge gauche : f.
