I. [190rA] Ci commence li livres de Digeste nove. Ci titres est de communs juigemenz [rubr.]
- Traduit du Dig., liv. 48, tit. 1 : de Publicis judiciis.
§ {48.1.1}
Marciaus dit : tuit li juigement devant qui l’en plede de crimes ne sont pas commun, mes cil tant solement qui vienent des lois des communs juigemenz ; si comme la loi que Julians fist de ce qui est fet contre la majesté l’enpereor, et cele que il fet des avotires, et cele que Cornelius fist des meslis et des envenimeors, et cele que Pompeius fist de cez [190rB] qui ocient leur peres et leur enfanz, et cele que Cornelius fist des testamanz, et cele que Julians fist de force privee, et cele que il fist de force commune, et de covoitier ennors, et de demander arriere ce que li baillif ont pris en leur baillies, et des annones.
