XVII. D'esoinemenz de jor.
§ 1.
Se aucuns est semons devant son seignor lige, ou devant son seignor de mains, ou censier devant son seignor, et il se deffant par trois simples semonses, et la quarte soit fete par ses homes, et par juigemanz, [p. 333] et défauz juigiez : se il vient enprès requerre le sien, il ne l'aura pas, ainz plédera le sien devant (tenant).
§ 2.
Derechief, se li bons ou li censiers sueffre issint, et trois foiz est semons par les liges homes au seignor, et juigiez an défauz ; et après toz ces erremenz est semons de quaranteine, à venir voir le juigement de la sesine, ou à dire encontre : se il ne vient por fere ce que il doit de toz erremanz, l'en ajuigera à l'aversere la sesine, ou au seignor, se li sires demende, sauve le droit de la propriété, selonc les us do païs, et la costume de la terre aprovée an cort de barons1.
