XIV. D'osures et de fere rendre les osures as héritiers per loiaus proves.
§ 1.
L'en establist ci que nus ne soit usurier. Et se aucuns prant d'aucun aucune teneure, praigne les fruiz, et soient contez en aquit. Et quicunques ce fera, soit mis en poine1.
§ 2.
Enprès demende l'en, se l'en puet prester à osure por réambre chétis ? L'en dit que non, que l'en ne doit fere grâce en crime d'osure, et l'en ne doit pas fere mal por senblance de fere bien2.
§ 3.
Li setiers vaut cinq sols ; je le vaing six à rendre à Pâques. L'en demende se l'en le doit fere ? Et l'en dit que non, et deffant l'en que l'en ne face plus ce3.
§ 4.
Uns hons se plaint d'un autre, qui tenoit sa terre en gages, et qui avoit eu des fruiz outre le chetel. Li rois commende que s'il est issint, qu'il ait sa terre arrière4.
§ 5.
Li filz aus osuriers, qui sont hoirs leur père, sont tenu à rendre les usures que lor pères ont eues, quant li pères sunt mors5
§ 6.
L'en demende ci deus choses : se cil est usuriers qui baille les deners sanz nule convenance, et nus n'en baillast, s'il ne cuidast avoir guarredons.
§ 7.
Enprès demende l'en se cil est usures qui vent sa chose por6[p. 329] plus qu'ele ne vaut, à terme ? Et l'en dit qu'il font mal, car pure volenté fet l'usure7
§ 8.
Li usurier font jurer à lor créanciers8 qu'il ne redemenderont lor usures, et qu'il les rendront. L'en commende ci que bien les puent demender, et que li osurier soient forcié au poier ; car nus ne doit gaagner profit por mal fere9.
§ 9.
Uns hons se plaint d'un autre, et dit qu'il a eu cent sols de lui de usure, et dit comment, et l'offre à prover par soi et par garanz. Et li corpables fet encontre tel ni et tel deffansse comme il doit. L'en demende qu'an dit droit ? et l'en dit que il n'i a que serement ; et li chois est au copable. Mès deux garanz vausisoient.
