« Amauricus dominus de Mestenone monachis beatæ Mariæ quamdam partem aquæ pro damnis ab eo factis, et quinque sextarios bladi in elemosinam concedit, et dona matris sue confirmat. »
- A Original en parchemin. Arch. dép. Eure-et-Loir, H 2341.
- a Cartulaires de Saint-Thomas d'Epernon et de Notre-Dame de Maintenon prieurés dépendant de l'abbaye de Marmoutier, éd. Auguste Moutié et Adolphe de Dion, Rambouillet, 1878.
« Ego Amauricus, miles, dominus de Mestenone, universis presentes litteras inspecturis salutem in omnium salvatore. Universitati vestre duximus memorandum quod nos, divini amoris intuitu et gracie et anime nostre et nostrorum remedio et in recompensationem dampnorum a nobis monachis beate Marie de Mestenone factorum, eisdem monachis aquam fluentem a loco juxta domum nostram fortem ubi aque diversas moventur in partes usque ad pontem de Breteschia in perpetuam dedimus elemosinam et concessimus liberaliter possidendam. Ita tamen quod in eadem aqua dicti monachi, si voluerint, gortum poterunt vel piscaturam quamlibet exercere. Preterea prenominate ecclesie monachis dedimus et concessimus in perpetuam elemosinam quinque bladi sextarios in molendino nostro de Mestenone singulis annis percipiendos : duos videlicet pro animæ fratris mei Willelmi remedio, alios vero tres bladi sextarios ut in prefate ecclesie Orationibus et elemosinis partem habere mereamur. Insuper decem solidos quos eidem monasterio dedit in elemosinam mater mea in prepositura de Ybreio annuatim recipiendos, nos concessimus et confirmavimus. Nos vero hanc elemosinam contra omnes, pro posse nostro, tenemur garandire. Ne autem aliquis in posterum huic facto nostro valeat obviare, vel aliquo modo dictos monachos molestare, eis presentem paginam dedimus in testimonium sigilli nostri munimine roboratam. Actum . »
