« Joannes de Bosco, Johannes de Vachereces et Symon de Changeto, venditionem medietatis decime de Morlu, in parrochia de Petris, clericis chori ecclesie Carnotensis ab Garino, domino de Pediagio Roberti curie et duobus aliis factam, confirmant. »
- A Original en parchemin. Arch. dép. Eure-et-Loir, H 2346.
- a Cartulaires de Saint-Thomas d'Epernon et de Notre-Dame de Maintenon prieurés dépendant de l'abbaye de Marmoutier, éd. Auguste Moutié et Adolphe de Dion, Rambouillet, 1878.
« Universis presentes litteras inspecturis, Johannes de Bosco, miles, Johannes de Vachereces et Symon de Changeio, armigeri, salutem in Domino. Noveritis quod nos venditionem medietatis cujusdam decime, site in parrochia de Petris sub feodo nostro, que decima dicitur decima de Morlu, quam Garinus, dictus de Pedagio de Roberticuria, Robinus Cossart de Bouteigni et Jaquetus de Pratis de parrochia de Bouteigni, fecerunt clericis chori Carnotensis ecclesie, in omnibus et per omnia, prout in litteris dicte venditionis, sigillatis sigillo curie Carnotensis continetur ; volumus, concedimus et approbamus et fide corporali prestita in manu officialis carnotensis, promisimus quod contradictam venditionem per nos, vel per alium, seu per alios in posterum in aliquo non veniemus. Immo promittimus sub religione fidei a nobis prestite, quod nos dictam medietatem dicte decime dictis clericis prout dictum est venditam, ipsis clericis quocienscumque ab ipsis, vel eorum mandato, fuerimus requisiti, defendemus, tanquam domini feodales dicte decime, et garandizabimus ad usus et consuetudines patrie contra omnes. In cujus rei testimonium et munimen, presentes litteras dictis clericis dedimus sigillorum nostrorum munimine roboratas. Datum 1. »
