École des chartes » ELEC » Cartulaires d'Île-de-France » Notre-Dame de Maintenon » Cartulaire » 7 février 1252

« Compositio inter priorem de Metenone et Johannem Meunier de reparatione pontis Petri Alberici. »

  • A Original en parchemin. Arch. dép. Eure-et-Loir, H 2342.
  • a Cartulaires de Saint-Thomas d'Epernon et de Notre-Dame de Maintenon prieurés dépendant de l'abbaye de Marmoutier, éd. Auguste Moutié et Adolphe de Dion, Rambouillet, 1878.
D'après a.

« ... Officialis curie archidiaconi Carnotensis, etc... Noverint universi quod cum contentio... moveretur coram nobis inter priorem de Metenone ex una parte, et Johannem Meunier, sororium Petri Alberici ex altera, super hoc quod idem Johannes fixerat seu posuerat, figi seu poni fecerat palos in aqua ipsius prioris ad portandum seu sustinendum quemdam pontem qui dicitur et vulgaliter appellatur pons Petri Alberici, cum non haberet idem Johannes jus premissa faciendi, ut dicebat idem prior, nec ponendi seu figendi, vel figi faciendi palos seu alia aliqua ponendi in dicta aqua seu super dictam aquam contra voluntatem dicti prioris per que posset seu possit ductus vel cursus aut piscaria dicte aque impediri. Comparens in jure coram nobis dictus Johannes, recognovit se premissa fecisse et dictos palos, ut dictum est, in dicta aqua fixisse, poni seu figi fecisse. Recognovit etiam idem Johannes se non habere nec habuisse jus figendi seu ponendi, figi seu poni faciendi in dicta aqua seu super dictam aquam aliquid contra voluntatem dicti prioris occasione seu ratione dicti pontis, vel alia de causa per quod possit ductus seu cursus aut piscaria dicte aque aliquatenus impedire ; nec etiam aliquid immitendi in eadem aqua seu super eamdem aquam nisi tantum modo duos palos et unum capistrum super dictos palos ex transverso ad portandum seu sustinendum pontem supradictum. Promisit etiam in jure coram nobis, fide media, dictus Johannes quod ipse ejiciet et amovebit ejici, seu amoveri faciet omnes predictos palos qui sicut in cursu predicto aque circa pontem predictum exceptis duobus palis tantum ; et quod de cetero non apponet, nec apponi seu figi faciet aliquid in eadem aqua sive super eandem aquam. nisi duos palos tantum ut dictum est, nisi de voluntate et licentia prioris in prioratu de Metenone pro tempore instituti. In cujus rei testimonium, etc..... Actum , me. »