« Compositio inter priorem de Meintenone et Robinum de Grogneul, super duo sextaria bladi annui redditus in terra apud Petras sita. »
- A Original et attaches de sceau en parchemin. Arch. dép. Eure-et-Loir, H 2345.
- a Cartulaires de Saint-Thomas d'Epernon et de Notre-Dame de Maintenon prieurés dépendant de l'abbaye de Marmoutier, éd. Auguste Moutié et Adolphe de Dion, Rambouillet, 1878.
« ....... Officialis curie Carnotensis, etc....... Ad omnium notitiam volumus pervenire quod, cum contentio verteretur coram nobis inter Bartholomeum, priorem de Meintenone, ex una parte, et Robinum filium Roberti de Grogneul, militis, ex altera : super hoc quod dictus prior petebat a dicto Robino, nomine suo et monasterii sui, duo sextaria bladi que dicebat dictus prior dictum Robinum sibi debere ratione terre ipsius Robini quam habet apud Petras. Que duo sextaria bladi dicebat idem prior prioratui suo de Meintenone quondam pro annuo reddita elemosinata fuisse a defuncto Nicholao Galerani, milite, super totam terram quam idem miles habebat apud Petras, per manum dictas terras pro tempore tenentis reddendo. Tandem dicti prior et Robinus, pro dicta contentione sopienda, voluerunt et consenserunt coram nobis quod super premissis staretur veritati et recordationi domine Juliane de Croce, matris dicti Robini. Que Juliana per veritatem et recordationem suam dixit dictam elemosinationem dictorum duorum sextariorum bladi annui redditus assignatam fuisse dicto prioratui a dicto Nicholao, milite in elemosinam, super totam terram quam dictus Robinus et sorores ejus tenent nunc et possident apud Petras. In cujus rei testimonium, etc... Actum . »
