École des chartes » ELEC » Cartulaires d'Île-de-France » Notre-Dame de Maintenon » Cartulaire » 1225

« Litteræ Garnerii, Carnotensis episcopi, de compositione inter priorem de Maintenon et presbyterum de Horreia facta super decimis novalium parrochiæ de Horreia. »

  • A Original en parchemin, avec attaches de sceau en soie verte. Arch. dép. Eure-et-Loir, H 2346.
  • a Cartulaires de Saint-Thomas d'Epernon et de Notre-Dame de Maintenon prieurés dépendant de l'abbaye de Marmoutier, éd. Auguste Moutié et Adolphe de Dion, Rambouillet, 1878.
D'après a.

« G... divina miseratione Carnotensis episcopus, universis presentes litteras inspecturis eternam in domino salutem. Noverint universi quod cum causa verteretur inter religiosum virum priorem de Maintenon, ex una parte, et Symonem, personam ecclesie de Horreia ex altera, super decimis novalium tam factorum quam faciendorum, tam in vino quam in blado, in dicta parrochia de Horreia ; tandem talis compositio intervenit : quod dictus prior de cetero recipiet tam decimas novalium quam decimas veterum, tam in blado quam in vino, a via de Crosilles que ducit per medium Oirre usque ad Seherpont, a parte de Prohermont. Dicta vero persona percipiet ab alia parte tam in blado quam in vino, tam decimas novalium quam decimas veterum. Hoc eliam addito, quod cum dictus prior soleret percipere duas partes minutarum decimarum in parrochia de Horreia et duas partes panis, de cetero dicta persona et successores ipsius percipient totam minutam decimam et duas partes panis ; ita tamen quod dicta persona et successores ipsius propter hoc tenentur reddere annuatim dicto priori et successoribus suis quindecim solidos Carnotenses, . Et pro tali pace, cum dicta persona percipiet annuatim in granchia dicti prioris de Maintenon, sita apud Prohermont, duos modios et dimidium bladi et ordei pro mestiva, de cetero dicta persona et successores sui percipient annuatim in dicta granchia prioris de Maintenon, apud Prohermont, quatuor modios, videlicet medietatem yvernagii et medietatem ordei ad usualem mensuram ville de Prohermont ; ita quod si ordeum deficerit, illa medietas ordei perficeretur de avena. In cujus rei perpetuum robur et testimonium presentes litteras scribi fecimus sigilli nostri munimine roboratas. Datum . »