« Contentio inter Symonem de Maerolis, et monachos de Metenone super altam justitiam hospitum de Petris pacificatur. »
- A Original en parchemin, avec attaches de sceau en cuir blanc. Arch. dép. Eure-et-Loir, H 2347.
- a Cartulaires de Saint-Thomas d'Epernon et de Notre-Dame de Maintenon prieurés dépendant de l'abbaye de Marmoutier, éd. Auguste Moutié et Adolphe de Dion, Rambouillet, 1878.
« Universis Christi fidelibus presentes litteras inspecturis vel audituris, Symon de Maerolis salutem in Domino. Noverint universi quod cum inter me ex una parte, et majorem et monachos de Metenon, ex altera, contentio verteretur super hoc quod ego super hospites dicti prioris et monachorum ad Petras residentes, altam justitiam exigebam ; videlicet : sanguinem, latronem, homicidam et alia que pertinent ad altam justitiam, salvo tamen jure domini regis ; ego tandem audito bonorum et fide dignorum testimonio super hiis, cognita plenius veritate, didici quod super omnibus predictis nichil juris habeham. Verum bonorum consilio mediante, ego et dictus prior et monachi supradicti super predictis ita pacificati sumus : quod ego, assensu et voluntate Helisendis uxoris mee et Johannis de Maerolis, militis ; Petri, Symonis filiorum meorum, et Agne, domine de Galardone filie mee omnem prefatam justiciam supradictis priori et monachis omnino dimisi. Et se aliquid juris in dicta justitia habebam vel habere poteram, eis in perpetuum sine ulla reclamatione quitavi. Hoc tamen excepto, quod sepedicti hospites monachorum, apud Petras manentes, ad molendinum meum molere et ad furnum meum coquere tenebuntur. In quorum altero vel utroque scilicet molendo vel coquendo, si dicti hospites defecerint, nobis et successoribus nostris secundum patrie consuetudinem emendare tenebuntur. In cujus rei memoriam presentem cartulam prefatis priori et monachis dedi sigilli mei munimine roboratam. Actum . »
