« Permutatio inter Hemericum de Grognolio et priorem de Metenone. »
- A Original en parchemin.
- a Cartulaires de Saint-Thomas d'Epernon et de Notre-Dame de Maintenon prieurés dépendant de l'abbaye de Marmoutier, éd. Auguste Moutié et Adolphe de Dion, Rambouillet, 1878.
« ..... Officialis curie Carnotensis, etc..... Noverint universi quod Hemericus de Grognolio, armiger, et Johanna ejus uxor, in jure coram nobis constituti, recognoverunt quod ipsi debebant reddere annuatim priori de Metenone duos sextarios bladi mistolii ratione annui redditus, ad mensuram de Metenone, elemosinatos ab antecessoribus ejusdem Johanne eidem priori et prioratuis supradicto a tempore cujus initii non extat memoria, et assignatos super totam terram quam dicti Hemericus et Johanna ejus uxor, dicuntur habere e possidere ubicumque sitam in parrochia de Petris, ut dicitur. Tandem dicti prior. Hemericus et Johanna ejus uxor, inter se ad invicem unanimiter super predictis duobus sextariis bladi annui redditus composuerunt et ordinaverunt in hunc modum : videlicet quod dicti Hemericus et Johanna ejus uxor, nomine permutationis sive excambii dictorum duorum sextariorum bladi, dederunt, concesserunt et assignaverunt dicto priori, nomine dicti prioratus, quamdam peciam terre arabilis quam dicti Hemericus et J. ejus uxor dicebant se habere ratione hereditatis dicte Johanne, sitam in territorio de Petris juxta terras quas habet ibidem dictus prior, et adherentem iisdem ut dicitur que predicta pecia terre vulgaliter appellatur la Pointe. Voluerunt etiam et concesserunt coram nobis dicti H. et J. ejus uxor, etc... In cujus rei testimonium, etc... Datum . »
