« ...... Officialis archidiaconi Carnotensis, etc...... Noverit universitas vestra quod cum contentio seu controversia verteretur inter religiosum virum priorem de Metenone, ex una parte, et Johannem, filium Abrahe de Metenone, ex altera, super eo quod idem prior. nomine suo et prioratus predicti, petebat a dicto Johanne quod ipse relevaret seu rachataret quandam sergenteriam quam ad vocat et dicit et etiam confessus est coram nobis in jure dictus Johannes se tenere et tenere debere a dicto priore et prioratu predicto nomine abbatis et conventus Majoris-Monasterii Turonensis, videlicet tractum omnium decimarum grossarum et minutarum ipsius prioris sitarum apud Houvillam ; de qua sergenteria percipit et habet predictus Johannes emolumentum usque ad dicos modios bladi, vel circa annuatim ; cum idem Johannes dictam sergenteriam postquam ipsam ad ipsum Johannem devenerit, non relevaverit seu rachataverit, vel quod dimitteret idem Johannes dicto priori predictam sergenteriam, cum idem Johannes non habeat jus secundum usum seu consuetudinem patrie dictam sergenteriam tenendi, nisi eam relevaverit, seu rachataverit de priore de Methenone, ut dicebat idem prior ; dictum Johannem contrarium asserente et dicente se non teneri secundum usum seu consuetudinem patrie predictam sergenteriam rachatare vel etiam relevare. Dictis partibus coram nobis in jure comparentibus, voluit et concessit, et fide media promisit dictus Johannes quod ipse traderet in scriptis infra octabas Pasche proximo venture dicto priori omnes rationes seu defensiones suas per quas dicit et asserit se ad dictum rachatum seu relevamentum dicto priori faciendum minime teneri. Voluit etiam et concessit idem Johannes coram nobis in jure quod nisi per rationes seu deffensiones suas infra dictum terminum dicto priori tradendas ut dictum est secundum usum seu consuetudinem patrie esse debeat liber et immunis a dicto rachato seu relevamento, in foro ecclesiastico vel seculari in quo maluerit idem prior predictum negotium terminari, quod ex tunc idem Johannes satisfaciet dicto priori de dicto rachato seu relevamento et illud persolvet eidem priori sine diffcultate vel contradictione qualibet, infra quindenam postquam a dicto priore super hoc fuerit requisitus. Voluit etiam et concessit idem Johannes quod nisi infra dictum terminum predictas rationes seu deffensiones dicto priori tradidit eo modo quo supradictum est, quod de cetero ad eas tradendas vel pretendendas nullatenus admittatur. Immo voluit et concessit in jure coram nobis idem Johannes quod dictus prior post dictum terminum percipiat et habeat omnes fructus et proventus dicte sergenterie sine contradictione aliqua et etiam sine foresfacto, quousque eidem priori de dictis rachato seu relevamento fuerit plenius satisfactum nisi per rationes seu deffensiones suas predictas debuerit idem Johannes a predicto rachato seu relevamento secundum usum seu consuetudinem patrie liberari. In cujus rei testimonium et munimen, ad petitionem dicti Johannis presentes litteras dedimus sigilli nostri munimine sigillatas. Datum anno Domini millesimo CCL, tercio, die martis in octabis Epiphanie Domini. »