146
Donation. — Guillaume Gaiette, notaire et conseiller de l’officialité d’Orléans, Guillaume Maupoint et sa femme Guillemette, donnent à Jean Molinet le jeune, de Sully-sur-Loire, 6 mines de seigle de rente annuelle que leur paie Coleau de Montalery, de Saint-Germain de Sully, en règlement d’une somme d’argent qu’ils doivent à Jean Molinet l’aîné et à son fils.
90 v° Guillaume Gaiette, notaire et conseillier en court d’eglise a Orleans, Guillaume Maupoint et Guillemete sa femme, ladicte femme sur ce deuement auctorisee etc., lesquelx recongnurent et confesserent que pour et en solucion de certaine somme de deniers en quoy ilz disoient estre tenuz a Jehan Molinet l’aisnel et Jehan Molinet son filz, demourant a Suli le Chastel, ilz avoient et ont donné, cedé, quitté, transporté et par ces presentes donnent, cedent, quittent, transportent inrevocablement audit Jehan Molinet le jeune pour lui, ses hoirs, ses successeurs et pour ceulx qui de 91 r° lui auront cause, six mines de blé seigle, mesure de Suli, de rente annuelle et perpetuelle que leur doit et est tenuz paier par chacun an de rente, au terme de Saint Michiel ou autre terme, ung nommé Coleau de Montalery de Saint Germain de Suli, a present debteur, tenant et possidant du lieu, terres et appartenances nommé le lieu de la Pillardiere, assis et seans en ladicte parroisse Saint Germain de Suli, tenuz a cens ou autre reddevoir de Jehan Prevost, savetier, avec tout le droit, cause, raison et obligation qu’ilz ont et pevent avoir esdiz VI mines de blé de rente dessus declairees envers et contre ledit Coleau, en 1 1. Suit le. constituant sur ce ledit Molinet le jeune vray acteur et receveur comme en son propre fait, et ont juré non venir contre etc.
Dans la marge gauche : f.
